12.5 C
Tirana
E shtunë, 24 Shkurt 2024

50 kompani, në Panairin e Energjisë dhe Ndërtimit – Rica: Mundësi për të promovuar të ardhmen e sigurt, synojmë ta kthejmë në traditë

Duhen Lexuar

Rreth 50 kompani shqiptare e të huaja u bënë pjesë e Panairit të Energjisë, Ndërtimit dhe Ekonomisë së Gjelbër, që u mbajt përgjatë 2 ditëve në Pallatin e Kongreseve e që kishte si synim të shërbente si platforma më e gjerë e komunikimit mes aktorëve kryesorë të këtyre sektorëve. Rafaela Rica, themeluese e kompanisë organizatore Iceberg Communication shpjegon rëndësinë e eventit, në një kohë që bota po sfidohet nga kriza e energjisë.

Një sesion i panairit iu kushtua zhbllokimit të potencialit të ekonomisë qarkulluese për bizneset në Ballkanin Perëndimor, me fokus mundësitë, barrierat dhe praktikat e mira që ekzistojnë.

Ky panair mund të jetë një vitrinë shumë e mirë e shembujve të bizneseve të ndryshëm në Shqipëri, por edhe e vendeve të tjerë, që janë prezentë këtu. Pjesëmarrësit në këtë panair mund të shikojnë se çfarë lloj zgjidhjesh ofrohen dhe që janë të tregtueshme, në radhë të parë.  Pra, kjo është një mënyrë për të mësuar nga eksperiencat dhe për të shumëfishuar këto shembuj në rajonit dhe në vendet përreth Shqipërisë. 

Bizneset pjesëmarrës në këtë panair e shikojnë Shqipërinë, si një pikë strategjike për të gjithë rajonin.

Kemi vendosur të marrim pjesë në këtë panair sepse mendojmë se sektori i energjisë është më i rëndësishëm dhe më i kërkuari për shkak të krizës ekonomike, krizës postcovid dhe luftës në Ukrainë, por edhe për t’iu mësuar njerëzve të jenë më autosufiçentë dhe të kursejnë kosto. Zgjodhëm Shqipërinë sepse prej vitesh është binjakëzaur me Italinë, është komode për të ardhur, gjuha dhe është një pikë fokale si vend strategjik edhe për vendet e tjerë të Ballkanit: Malli mund të mbërrijë qetësisht në Portin e Durrësit dhe mund të shkojë në Maqedoni, Mal të Zi apo në gjithë vendet e tjerë të Ballkanit. Ne presim që të kënaqim fillimisht klientët, korporata apo biznese, të arrijmë më shumë bashkëpunime, t’i ofrojhmë projekte Ministrisë së Energjisë dhe të kemi një shtëpi të dytë këtu në Shqipëri.    

 Ndërkaq, me përfundimin e panairit çdo grup i interesuar mund të aksesojë platfromën online të ngritur. Sipas Ricas, synimi është që ky panair të kthehet në një traditë, duke u organizuar edhe në vitet në vijim.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit