16.5 C
Tirana
E diel, 16 Qershor 2024

A do të jetë i detyrueshëm kalimi i pensioneve në bankë nga 1 prilli? – Bregu: Shërbimi i pagesave me kartë, zero kosto

Duhen Lexuar

Duke filluar nga data 1 prill nis zbatimin, ligji për llogarinë e pagesave bazë. Për ScanTv Ledia Bregu, drejtoreshë e sistemit të pagesave në Bankën e Shqipërisë, ka thënë se të gjithë pensionistët, studentët apo individët me ndihmë ekonomike, e përfitojnë kartën pa pagesë dhe ai do të kryhet nga bankat tregtare.

“Kjo i mundëson shtresave në nevojë pensionistëve, studentëve, ata që përfitojnë ndihma sociale që të kenë një llogari bazike, e cila nuk ka asnjë kosto. N.q.s studimet tregonin që shtresat në nevojë ishin hezituese ndaj hapjes së një llogarie për shkak të kostos, kohës etj., ky legjislacion e heq këtë barrierë, pasi krojon mundësinë dhe i detyron  të gjithë ata që janë ofrues shërbimesh,  t’i hapin një llogari bazike, e cila mund të përdoret edhe për karta bazike edhe për instrumenete të tjera pagesash pa asnjë tarifim, në mënyrë që edhe shtresat në nevojë edhe nëse kanë apo jo burime të sigurta, që të kenë qasje në financë dhe  mund të jenë pjesë e sistemit formal të pagesave’’ – thotë Bregu.

Sipas drejtoreshës Bregu, të paktën 70% e popullsisë së rritur, ka të paktën një llogari bankare. Nisma e Bankës Qendrore dhe Shoqatës së Bankave konsiderohet si hap më shumë drejt dixhitalizimit dhe reduktimit të parave cash, dhe llogaritë i japin mundësi individëve të marrin shërbimin për tërheqje e depozitim pa kufizim në të gjitha ditët e javës. Me nisjen e zbatimit të këtij ligji pritet që qeveria të vendosë transferimin minimalisht të pensionit nga posta në bankë.

Në rast të refuzimit të padrejtë, qytetarët mund të ankohen pranë Bankës së Shqipërisë, e cila mund të kërkojë nga bankat e nivelit të dytë, hapjen e kësaj llogarie brenda 15 ditëve pune (pa fundjavën). Nëse ende banka nuk hap llogarinë, ligji parashikon gjoba nga 50-250 mijë lekë. Po ashtu bankat gjobiten edhe nëse kategorive të përfshira në skemën e tarifave zero për shërbimet bazike, i refuzohen transfertat apo i vendosen tarifa.

Alida Lula/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications