29.5 C
Tirana
E enjte, 13 Qershor 2024

Banka Botërore më optimiste, ç’do të thotë një rritje ekonomike 3.6% për qytetarët, bizneset dhe vendin?

Duhen Lexuar

Banka Botërore ka rishikuar në rritje pritshmëritë për zgjerimin e ekonomisë së Shqipërisë në tashmë 3.6 për qind, nga 2.8 për qind që kishte vlerësuar në qershor. Pritshmëritë më pozitive të Bankës Botërore mbështeten kryesisht te zgjerimi me ritme të shpejta turizmit dhe sektori i ndërtimit.

Banka Botërore parashikon se ekonomia e Shqipërisë do të rritet me 3.6 për qind deri në fund të vitit. Në qershor, institucioni më i lartë monetar në botë vlerësonte se rritja ekonomike gjatë 2023-shit do të ishte në nivel 2.8 për qind.  

“Për mua është relativisht e lartë. të kalosh në 2.8 në 3.6% i bie që parashikimi të rritet me 1/3, 28 për qind. Ky vlerësim është i lartë dhe duhet parë”, deklaroi ish-ministri i Financave Arben Malaj.

Pritshmëritë më pozitive të Bankës Botërore mbështeten kryesisht te zgjerimi me ritme të shpejta turizmit dhe sektori i ndërtimit.

“Duhen kryqëzuar edhe shifrat. Nëse ne flasim për një rritje kaq të madhe të turistëve, atëherë përse nuk ndihet kjo edhe në sektorë të tjerë?”, u shpreh Malaj

Po çfarë do të thotë për qytetarët, sipërmarrjet dhe vendin në përgjithësi një rritje ekonomike në nivelin 3.6 për qind?

“Mblidhen më shumë të ardhura pa rritur taksat. Ulet borxhi publik, rritet papunësia dhe zvogëlohet hendeku në varfëri. Problemi është që nuk duhet të na kapë euforia e parashikimeve”, theksoi Malaj.

Sipas parashikimeve të Bankës Botërore, borxhi publik i vendit këtë vit do të ulet në nivelin e 63.1 për qind të qind të Prodhimit të Brendshëm bruto nga mbi 67 për qind që aktualisht është.

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications