Banka OTP Albania ka inauguruar mjediset e reja të dedikuara për segmentin e Bankingut Privat, duke prezantuar një hapësirë ekskluzive të projektuar për klientët që kërkojnë shërbim të personalizuar dhe standarde të avancuara financiare.
Të pozicionuara në zemër të Tiranës, ambientet janë konceptuar sipas standardeve të OTP Group, me fokus te privatësia, komoditeti dhe krijimi i një përvoje të dedikuar për klientët premium. Ceremonia e inaugurimit mblodhi drejtues të Grupit OTP, përfaqësues të OTP Bank Albania, partnerë dhe klientë të bankës.
Nëpërmjet shërbimit të Bankingut Privat, banka ofron këshillim financiar të specializuar, zgjidhje investimi të personalizuara, menaxhim portofoli, produkte kursimi dhe financimi, si edhe akses në ekspertizën ndërkombëtare të Grupit OTP. Qasja synon të mbështesë klientët në menaxhimin dhe zhvillimin afatgjatë të aseteve së tyre, përmes zgjidhjeve të përshtatura sipas objektivave individuale.
Drejtori i Përgjithshëm i OTP Bank Albania, z. Bledar Shella, e cilësoi këtë investim si një reflektim të vizionit të bankës për të ndërtuar marrëdhënie afatgjata dhe të qëndrueshme me klientët.
“Filozofia që Grupi OTP dhe Banka OTP Albania kanë në Shqipëri është për të qenë sa më pranë klientit. Prandaj, strategjia që ne po ndjekim është ajo e investimeve të konsiderueshme në teknologji, për ta bërë sa më të shpejtë dhe sa më të digjitalizuar bankën. Gjithashtu, ne besojmë tek ruajtja e një marrëdhënie sa më të afërt me klientët tanë, duke shtuar prezencën tonë kudo në Shqipëri nëpërmjet degëve dhe ATM-ve.
Shërbimi i Bankingut Privat, përtej shërbimit premium, ofron edhe një marrëdhënie të veçantë me klientët e këtij segmenti. Ai ofron besim, konfidencialitet dhe produkte të personalizuara për të gjithë klientët elitar.,” u shpreh z. Shella.
Ndërsa z. Attila Bánfi, Kryetar i Bordit të Menaxhimit të Fondeve dhe Drejtor i Përgjithshëm i Tregjeve Globale në OTP Group, vuri theksin te rëndësia e këshillimit profesional dhe zhvillimit të produkteve të investimit për klientët e këtij segmenti.
“Grupi OTP po investon shumë në shërbimin e këtij segmenti klientësh. Ata kërkojnë ekspertizë, fleksibilitet dhe zgjidhje që i ndihmojnë të planifikojnë të ardhmen me siguri. OTP Group ka një eksperiencë të konsoliduar në menaxhimin e aseteve dhe jemi të kënaqur që këtë qasje po e forcojmë edhe në Shqipëri,” u shpreh z. Bánfi.
Me këtë investim, OTP Bank Albania synon të sjellë një model modern shërbimi për segmentin premium, duke kombinuar ekspertizën lokale me përvojën ndërkombëtare të OTP Group, i cili është një nga grupet bankare lider, me rritjen më të shpejtë ndër grupet e rajonit të Evropës Qëndrore dhe Lindore, me pozicionim të shkëlqyer përsa i përket përfitueshmërisë, stabilitetit në kapital dhe likuiditetit.
Postimi ” Banka OTP Albania inauguron mjediset e reja të Private Banking në Tiranë ” eshte marre nga Revista Monitor.
