6.5 C
Tirana
E premte, 23 Shkurt 2024

Fatura e dëmeve nga reshjet, 48 milionë dollarë – Buxheti apo qytetarët, kush do ta paguajë?

Duhen Lexuar

Në ditët më të mira të buxhetit, qëverisë duket se po i “troket në derë” një faturë e re e shkaktuar nga përmbytjet masive në vend, që lidhet me dëme në toka bujqësore, në bagëti dhe ushqimin për ta, në biznese, në banesa, etj.

Pavarësisht faktit se vendi ynë përballet në mënyrë të përsëritur me fenomenin e përmbytjeve, në dokumentat apo strategjitë e vlerësimit të riskut ndaj fatkeqësive natyrore, qeveria nuk ka dalë në një shifër të saktë për impaktin negativ të këtij fenomeni në ekonomi.

Kjo përllogaritje është bërë herë pas here nga Banka Botërore, ndërsa vetë qeveria nuk ka bërë transparencë lidhur me këtë çështje.  Sipas një raporti më të fundit të Bankës Botërore, përmbytjet zënë peshën më të madhe ndër katastrofat natyre nga të cilat preket Shqipëri me afro 38 % duke iu referuar periudhës nga viti 1979-2019.

Sipas raportit vjetor të rrezikut botëror i cili llogarit Indeksin e Rrezikut të Fatkeqësive për 180 vende bazuar në ekspozimin, ndjeshmërinë, cenueshmërinë, dhe kapacitetet përballuese dhe përshtatëse, Shqipëria renditet e para në Evropë dhe e 61-ta në botë.

Nga territori i përgjithshëm i Shqipërisë, 86 përqindja është e prirur ndaj fatkeqësive; kjo zonë gjeneron 88.5 për qind të prodhimit të brendshëm bruto (PBB). Humbjet mesatare vjetore për shkak të fatkeqësive janë rreth 2.5 për qind e PBB-së, ku vetëm nga përmbytjet dëmet llogariten mesatarisht 48 milionë dollarë në vit. Këto vlerësime mbulojnë asetet e sektorit privat, por jo ato publik.

Por ndërsa dëme të tilla janë të përvitshme, përgjigjja e qeverisë pët t’iu qendruar afër të prekurve ka qenë e dobët. Ka pasur raste ku janë vendosur në dispozicion fonde për kompensim por që kanë qenë minimale në raport me dëmet dhe nuk është bërë transparencë për shpërndarjen e tyre. Dhe pyetja që lind aktualisht është sa përgjegjësi do të marrë qeveria aktualisht dhe a do të kompensojë dëmet e krijuara? Kjo mbetet për tu parë në vijim.

Elisabeta Dosku /

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit