Kompania e inteligjencës së udhëtimit OAG ka publikuar listën vjetore të linjave më të ngarkuara të fluturimeve në botë – dhe një fluturim 105-minutësh mes dy qyteteve ka kryesuar renditjen ndërkombëtare, me gati 7 milionë vende të shitura në 2024.
6,781,577 ndenjëset e kanë rikthyer fluturimin midis dy vendeve në popullaritetin e parapandemisë – Hong Kong – Taipei gjithashtu kryesoi renditjen në 2019. Ishte i treti vitin e kaluar.
Aeroporti i Hong Kongut
Lista e vitit të kaluar u kryesua nga rruga ajrore Singapor-Kuala Lumpur, me një numër relativisht të vogël, 4.9 milionë vende.
E dyta në listën e 24 ishte Kajro-Jeddah, me gati 5.5 milionë vende të shitura. Fluturimi Egjipt-Arabi Saudite ka pasur një rritje çuditërisht të shpejtë gjatë pesë viteve të fundit, duke shkuar nga renditja e 14 në 2019 në vendin e dytë në 2023 dhe 2024.
Kajro, Egjipt
Seuli zuri dy nga vendet e radhës, me fluturimet për në Tokio Narita dhe Osaka Kansai, që u renditën në vendin e tretë dhe të katërt respektivisht.
Aeroporti Changi i Singaporit – i cili kishte pushtuar renditjen e 2023 – zuri tre vende në top 10, me fluturimet për në Kuala Lumpur (i katërti), Xhakarta (i teti) dhe Bangkok (i nënti).
Aeroporti Changi, Singapor
Lindja e Mesme, Europa dhe madje edhe SHBA-ja u përfshinë gjithashtu, me Dubai-Riyadh në vendin e gjashtë, dhe Nju Jork JFK-London Heathrow, që përmbyllin top 10-shen.
Dubai u shfaq disa herë në listë, me Dubai-Riyadh si fluturimin më të ngarkuar në Lindjen e Mesme.
Kur bëhet fjalë për rrugët e brendshme, tre të parat në nivel global ishin të gjitha në Azi: Jeju International-Seoul Gimpo, Sapporo New Chitose-Tokyo Haneda dhe Fukuoka-Tokyo Haneda.
Jeju-Seul ka mbajtur kurorën si fluturimi brenda vendit më i ngarkuar në botë, me 14.2 milionë vende – gati 39,000 në ditë.
Ishulli Jeju, Koreja e Jugut
Duke analizuar rrugët për rajon, Kajro ishte qendra e Afrikës, me fluturimet jashtë kryeqytetit egjiptian, që zënë pesë vendet kryesore për fluturimet dalëse nga kontinenti.
London Heathrow dominoi rrugët europiane, me JFK-LHR që zuri vendin e parë, e ndjekur nga fluturimet me Dubain dhe Dublinin në numrin dy dhe katër respektivisht.
Në vitin 2022, aviacioni përbënte 2.1% të emetimeve të karbonit të prodhuar nga njeriu në mbarë botën, sipas Grupit të Veprimit të Transportit Ajror, dhe 3.5% të emetimeve të ngrohjes së planetit në total.
Në atë kohë, Matteo Mirolo nga Transport & Environment, i cili bën fushatë për transport më të pastër, paralajmëroi se industria në zgjerim ishte një lajm i keq.
Aktualisht, sipas Këshillit Ndërkombëtar për Transportin e Pastër, emetimet e fluturimeve përfaqësojnë 2.35%, ose 2.87% duke përfshirë emetimet e lidhura me prodhimin e karburantit të avionëve.
Linjat më të ngarkuara të fluturimeve në botë për vitin 2024:
- Hong Kong – Taipei
- Kajro – Jeddah
- Seul Incheon – Tokio Narita
- Kuala Lumpur – Singapor Changi
- Seul Incheon – Osaka Kansai
- Dubai – Riad
- Bangkok – Hong Kong
- Xhakarta – Singapor Changi
- Bangkok – Singapor Changi
- Nju Jork JFK – Londër Heathrow
/ Shqip.al
Postimi ” Fluturimet më të ngarkuara në botë për vitin 2024 ” eshte marre nga Revista Monitor.
