30.5 C
Tirana
E hënë, 24 Qershor 2024

Investimet për përmbytjet lihen në kohë me shi – Në 8 muaj, realizimi vetëm në 38%, shumë objekte ende pa nisur

Duhen Lexuar

Ndërkohë që vendi është përballur me përmbytje që në reshjet e para intenisve të stinës, duket se investimet e bëra në drejtim të parandalimit të tyre gjatë këtij viti kanë pasur një ecuri të dobët. Referuar raportit të monitorimit të buxhetit 8-mujor të Ministrisë së Bujqësisë, vihet re se disa zëra investimesh janë me zero realizim.

Konkretisht, megjithëseë gjatë këtij viti ishte parashikuar rehabilitimi i 5 objekte të ujitjes që përfshin afro 4 mijë hektarë kanale kryesore, në fund të 8 mujorit rezullton se ky projekt as nuk është nisur.

Sa i takon investimeve në diga, për vitin 2022 nuk ka qenë parashikuar asnjë financim për objektet në pronësi të bashkive.  Ndërkohë përgjatë vitit 2022 ka qenë parashikuar rehabilitimi i pjesshëm i dy godinave të hidrovoreve, Drojë dhe Balldre, nisja e punimeve për rehabilitimin e plotë të hidrovorit të Akernisë,  si dhe përfundimi i plotë i  hidrovorit të Karavastasë.

Treguesi i përfomancës në këtë pikë rezulton se puna ka ecur në nivelin 54.1 për qind për hidrovorin e Karavastasë dhe nuk është bërë asnjë investim tek veprat e tjera.  Sa i takon investimeve në strukturat lumore e detare për mbrojtjen nga përmbytjet vihet re se në buxhet ka qenë parashikuar rehabilitimi i 20 veprave të mbrotjes nga përmbytjet, 6 prej të cilave projekte në vazhdim, dhe niveli i realizimit në fund të 8-mujorit rezulton 46.2 për qind, ku 10 projekte nuk kanë nisur ende ka puna.

Nga buxhet total i Ministrisë së Bujqësisë për ujitjen dhe kullimin për këtë vit, i cili ka një vlerë prej 8.5 milion eurosh, realizimi në 8 mujor rezulton në masën 38 për qind, apo 3.2 milion euro.

Por a mund të përqendrohen investimet në 4-mujorin e fundit dhe sidomos në sektorin e bujqësisë, ku duhen marrë masa parandaluese? Ekspertët shprehen se çdo investim i parashikuar me qëllim minimizimin e dëmeve nga katasrofat natyrore duhet të bëhen në periudha të thata.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications