“Qeveria shqiptare ka miratuar lehtësira përsa i përket investimeve strategjike. Për të gjitha subjektet turistike me 4-5 yje, që investojnë 8-15 milionë euro, nuk kanë nevojë të paraqesin dokumente mbi menaxhimin e strukturave të njëjta në të shkuarën. Një tjetër ndryshim me rëndësi është ai i garancië që investitorët duhet të paguajnë, nga 10 % që ishte në 3% të vlerës totale të investimit.”
Ferjolt Ozuni Ekspert Turizmi: “Kjo kërkon një avancim më të madh përsa I përket mënyrës së akomodimit dhe standardit në Shqipëri. Është një ligj që duhet të vihet në zbatim sa më shpejt të jetë e mundur, në mënyrë që të kemi benefitet e propozuara apo të synuara nga ligji respektiv. Hotelet me 4 dhe 5 yje, janë pikërisht kategoria e hoteleve që turistët zgjedhin për të bërë pushimet e tyre mbi tre ditë. Kërkojnë një standard më të mirë akomodimi, një rehati dhe komoditet më të lartë. Dhe janë pikërisht këto lloj hotelesh 4 dhe 5 yjesh që ofrojnë këtë lloj standardi dhe ky ligj vjen si rezultat edhe I shumë diskurseve politike që ka pasur qeveria jonë vitin e fundit, që ne do të synojmë turizmin elitar duke rritur sadopak standardin e tregut dhe të turistit I cili ka target në Shqipëri”.
Por a është hallka e fundit e zinxhirit të turizmit elitar investime në këto hotele me 4 dhe 5 yje?
“Nuk është vetëm një ligj apo vendim qeverie që do të ndërtojmë resorte apo hotele me 4-5 yje, janë një set rregullash, vendimesh, veprimtarish dhe që të shkojmë drrejt turizmit elitar duhen shumë gjëra të tjera, por normalisht duhet të fillohet nga diku. Dhe qeveria ka vendosur të nis këtë ndryshim nga njësitë akomoduese”.
Një nga kriteret kryesore është investimi në struktura hoteliere nga 8-15 milionë euro, sipas ekspertit Ozuni kjo është një vlerë e pranushme duke parë ndryshimet e ccmimeve si shkak i inflacionit.
Sipas Ozunit në Shqipëri nuk ka resorte të mirëfilltë, ndërsa janë rreth 100 hotele me 4-5 yje të cilët i përafrohen standardeve të strukturave hoteliere ndërkombëtare.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
