16.5 C
Tirana
E shtunë, 15 Qershor 2024

Samiti i Berlinit, zbardhet raporti i Komunitetit të Energjisë – Siguria energjetike/ Vendet e Ballkanit kanë shumë sfida, ndonëse është bërë progres

Duhen Lexuar

Sekretariati i Komuniteti të Energjisë ka publikuar raportin mbi zbatimin e Deklaratës për Sigurinë e Energjisë dhe Tranzicionin e Gjelbër në Ballkanin Perëndimor të prezantuar në Samitin e Procesit të Berlinit, që u zhvillua pak ditë më parë në Tiranë.

Teksa njihet progresi i bërë deri më tani, raporti thekson sfidat që vazhdojnë të jenë prezente në 6 vendet e Ballkanit, duke përfshirë dobësitë e sektorit të energjisë, çështjet e qeverisjes dhe nevojën për reforma. Forcimi i sigurisë energjetike dhe reduktimi i kërkesës për energji, krijimi i një tregu të integruar të energjisë elektrike, krijimi i një mjedisi më të mirë apo avancimi i axhendës së dekabornizimit janë disa nga fushat ku palët kanë marrë angazhime drejt një të ardhmeje të gjelbër.

Gjithashtu, zbatimi i parimeve të eficiencës së energjisë është një prej tyre. Sipas raportit të Komuniteti të Energjisë, pavarësisht përmirësimeve të rëndësishme në eficiencën e energjisë, vendet e Ballkanit Perëndimor ende përballen me sfida kryesore. “Përafrimi i legjislacionit dhe politikave kombëtare me Paketën e Energjisë së Pastër është një detyrë komplekse, por vendimtare për të arritjen e objektivave të efikasitetit”,-theksohet ndër të tjera në raport. Kjo përfshin përditësimin e ligjeve për eficiencën e energjisë, zbatimin e akteve nënligjore dhe miratimin e strategjive afatgjata të rinovimit të ndërtesave. Burimet financiare për masat e eficiencës dhe rinovimet në shkallë të gjerë janë gjithashtu thelbësore dhe për të tërhequr investime publike dhe private, duhet të ngrihen mekanizma efektivë të financimit rajonal dhe kombëtar.

Deklarata për Sigurinë e Energjisë dhe Tranzicionin e Gjelbër në Ballkanin Perëndimor u nënshkrua nga udhëheqësit e gjashtë vendeve të Ballkanit Perëndimor më 3 nëntor 2022, ndërsa thekson rrugëtimin e rajonit drejt politikave të qëndrueshme të energjisë dhe një të ardhmeje më të gjelbër.

Ola Mitre /

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications