16.5 C
Tirana
E shtunë, 15 Qershor 2024

Titujt e Qeverisë, dominojnë bonot e thesarit – Si ka qenë ecuria në gjashtë muajt e parë të 2023?

Duhen Lexuar

Në gjashtë muajt e parë të këtij viti, vëllimi I tregut sekondar të titujve të Qeverisë u dominua në masën e 67.32% nga transaksione në instrumente afatshkurtër që I përkasin bonove të thesarit dhe 32.68% nga transaksionet në instrumente afatgjatë që I përkasin obligacioneve.

Sipas të dhënave nga Autoriteti I Mbikëqyrjes Financiare, parë nga këndvështrimi i numrit të transaksioneve, 86.39% e të gjitha transaksioneve të tregut sekondar të titujve të Qeverisë, i takojnë transaksioneve të kryera në bono thesari. Të dhënat statistikore të tregut me pakicë të titujve të Qeverisë për periudhën janar- qershor 2023, flasin për një dominim të transaksioneve “Blerje në tregun primar” dhe “Shlyerje e vlerës nominale në maturim” përkatësisht me 54.50% dhe 34.38% kundrejt vëllimit të përgjithshëm.

Pjesëmarrja në tregun sekondar të titujve të Qeverisë, për periudhën janar – qershor 2023 dominohet nga investitorët individualë, të cilët kryejnë 99.08% të të gjitha transaksioneve në këtë treg. Transaksioni “Shitje nga portofoli i ndërmjetësit financiar” gjatë periudhës janar – qershor 2023, ka pasur një rritje prej 316.17 milionë lekë ose 13.29% krahasuar me të njëjtën periudhë të një viti më parë.

Numri i transaksioneve “Shitje nga Portofoli i ndërmjetësimit” është rritur në masën 131.14%. Transaksioni “Blerje para afatit të maturimit” gjatë periudhës janar – qershor 2023, ka pasur një ulje prej 128.73 milionë lekë ose 8.85%, ndërkohë pati një rritje në numrin e transaksioneve në masën 6.89%, krahasuar me periudhën janar – qershor 2022.

Në totalin e transaksioneve të këtyre dy llojeve të marra së bashku, vihet re një rritje në vlerë absolute me rreth 187.44 milionë lekë, krahasuar me periudhën janar – qershor 2022.

Diamila Leka/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications