Serbia mbetet me diferencë tregu më i madh i sigurimeve në rajon. Volumi i primeve të shkruara bruto ka arritur në 1.63 miliardë euro, me një rritje prej 7.7% krahasuar me vitin e mëparshëm. Kompania që kryeson këtë treg është Dunav.
Struktura e tregut
Në tregun serb të sigurimeve operojnë gjithsej 16 kompani. Ndryshe nga disa tregje të tjera, si në Serbi ashtu edhe në Bosnjë, legjislacioni nuk kërkon një ndarje të detyrueshme në licencim ndërmjet kompanive që ofrojnë sigurime të Jetës dhe atyre që ofrojnë sigurime të Jo-Jetës. Kjo do të thotë që një shoqëri e vetme mund të veprojë njëkohësisht në të dyja segmentet.
Pavarësisht mungesës së këtij detyrimi, një pjesë e konsiderueshme e kompanive në Serbi, gjithsej 10 prej tyre, operojnë në mënyrë të veçantë sipas profilit të aktivitetit. Përmasat e tregut serb e vendosin atë qartazi mbi vendet e tjera të rajonit për sa i përket volumit të primeve.
