11.5 C
Tirana
E premte, 1 Mars 2024

Turizmi gjatë 2021, mungojnë 2.5 milionë të huaj krahasuar me 2019. Kosova shpëtoi sektorin

Duhen Lexuar

Edhe pse vitin e kaluar, turizmi shfaqi shenja rimëkëmbje, sërish mbetemi larg periudhës së para pandemisë. Të dhënat e Institutit të Statistikave tregojnë se gjatë vitit 2021, numri  i të huajve që vizituan Shqipërinë arriti në 5.6 milionë, duke u dyfishuar në krahasim me 2020-n, që konsiderohet edhe si viti pandemik. Por rikthimi në normalitet është ende larg. Kundrejt 2019-s, në vendin tonë janë futur 2.9 milionë turistë të huaj më pak.

Turizmi patriotik ishte shpëtimi edhe vitin e shkuar. Referuar të dhënave të Institutit të Statistikave nga Kosova erdhën më shumë se 2.6 milionë qytetarë, të cilët përbëjnë 46 për qind të ardhjeve totale. Pas Kosovës renditen Maqedonia e Veriut, Greqia dhe Italia.

“Viti 2019 është një vit referencë për numrin e turistëve dhe të ardhurat që turizmi solli në ekonominë shqiptare dhe ishte e vështirë që viti 2021 të ngrihej në nivelin e para-pandemisë. Ndërsa krahasuar me vitin 2020 ka nje rritje të dukshme të numrit të turistëve, ku pjesa më e madhe prej tyre kanë ardhur nga Kosova. Gjithsesi, duhet parë në aspektin financiar se sa ka qenë raporti i turistëve nga Kosova në raport me pjesën tjetër të turistëve.” – thekson mes të tjerave Specialisti Turizmit, Dr. Ferjolt Ozuni.

Por pavarësisht pandemisë, të shumtë kanë qenë shqiptarët që kanë udhëtuar jashtë vendit, jo vetëm për turizëm, por edhe për qëllime të tjera. Të dhënat e INSTAT tregojnë se gjatë viti që lamë pas, 4.2 milionë shqiptarë kanë dalë jashtë vendit nga 2.9 milionë në vitin 2020.

Burimi:A2CNN
- Reklama -
spot_img
- Reklama -

Artikujt e Fundit