Ndërsa kërkesa për udhëtime gjatë verës vazhdon të rritet në të gjithë Evropën, Wizz Air siguroi pasagjerët se kompania është plotësisht e përgatitur për sezonin e ngarkuar dhe planifikon të operojë të gjithë orarin e saj veror në të gjithë rrjetin e destinacioneve.
Kompania njoftoi se gjatë katër muajve të parë të vitit, Wizz Air arriti një normë realizimi fluturimesh prej 99.53%, duke reflektuar performancën e fortë operacionale të kompanisë dhe gatishmërinë e saj për sezonin kulmor të udhëtimeve verore.
Në total, Wizz Air do të ofrojë një kapacitet prej 8.3 milionë vendesh, duke shënuar një rritje prej 16% krahasuar me vitin 2025, duke mbështetur më tej flukset turistike dhe lidhjen e Shqipërisë me tregjet kryesore evropiane.
Wizz Air vazhdon gjithashtu të zgjerohet në të gjithë Evropën përmes zgjerimit të rrjetit të saj, rritjes së lidhjeve ajrore dhe ofrimit të më shumë mundësive të udhëtimit drejt destinacioneve më të kërkuara verore. Kompania përfiton gjithashtu nga planifikimi afatgjatë dhe përgatitja e fortë operacionale, duke ndihmuar në garantimin e një shërbimi të qëndrueshëm dhe të besueshëm gjatë gjithë periudhës së verës.
Dhe mw herwt, Wizz kishte konfirmuar për Monitor se kompania ajrore ka siguruar (hedging- marrëveshje paraprake për të blerë karburant me një çmim të caktuar sot, për përdorim në muajt e ardhshëm) rreth 70% të nevojave të saj për karburant për gjashtë muajt e ardhshëm dhe rreth 60% deri në mars 2027, çka ofron një parashikueshmëri të fortë të kostove dhe kufizon ekspozimin ndaj luhatjeve afatshkurtra të çmimeve.
Wizz është operatori më i madh në tregun vendas, me rreth 60% të tregut të fluturimeve, sipas numrit të pasagjerëve, sipas burimeve nga Tirana International Airport.
Tregjet globale po përballen me një tjetër valë pasigurie, ndërsa çmimet e karburanteve të aviacionit mbeten të paqëndrueshme për shkak të tensioneve gjeopolitike, kufizimeve në përpunim dhe kërkesës së lartë sezonale.
Kriza e karburanteve, Wizz Air: Fluturimet sipas planit, do zgjerojmë rrjetin; TIA: Nuk kemi ndikime
Postimi ” Wizz Air: Nuk do kemi ndërprerje në fluturimet e verës, kemi siguruar karburant ” eshte marre nga Revista Monitor.
