6.5 C
Tirana
E premte, 23 Shkurt 2024

3 qytetet europiane me numrin më të madh të atraksioneve turistike falas

Duhen Lexuar


Panteoni, Romë

 

Roma, Londra dhe Parisi janë “të parat e klasës”, sipas një kërkimi të ri të shoqërisë së rezervimeve të udhëtimeve, Omio.

Kryeqyteti italian renditet i pari sa u përket vizitave në atraksione falas, duke ofruar hyrje falas në 553 vende turistike dhe 34 muze

Ndër to, Panteoni, Fontana di Trevi dhe Bazilika Shën Pjetrit.

Kryeqyteti britanik renditet i pari, falë 95 muzeve që mund të vizitoni falas dhe 487 pikave turistike.

 

Tate Modern

 

Turistët mund të vizitojnë Tate Modern, National Gallery, V&A, British Museum dhe Natural History Museum – duke mos shpenzuar asnjë qindarkë.

Në kryeqytetin francez turistët mund të vizitojnë falas 27 muze dhe 394 vende turistike.

 

Basilique du Sacré-Coeur

 

Varreza e famshme Père Lachaise, Musée d’Art Moderne dhe Basilique du Sacré-Coeur janë disa prej atraksioneve që turistët mund t’i vizitojnë falas.

Atraksionet turistike nuk janë i vetmi element në një udhëtim, që mund të vënë në vështirësi portofolin e turistëve.

Omio analizoi 12 kritere për të përcaktuar se cilat janë qytetet më të mira për turistët e kujdesshëm ndaj buxhetit të tyre, duke përfshirë aktivitetet, ushqim dhe pije dhe infrastrukturën.

Në klasifikimin e destinacioneve u morën në konsideratë çmimi i një birre, çmimi i biletave të transportit lokal, kostoja e një darke për dy persona dhe numri i shatërvanëve publikë falas.

Hulumtimi zbuloi se Grenada në Spanjë është qyteti më i mirë për ata që duan të kursejnë, ku një birrë kushton mesatarisht 2,19 euro dhe një biletë udhëtimi 24-orëshe, 1,23 euro.

Klasifikimi vijon me Bruges në Belgjikë, Venecia në Itali dhe Valencia në Spanjë.

Qyteti më ekonomik në Mbretërinë e Bashkuar është Edinburgu, në vendin e pestë.

Edhe pse Londra dallohet për një numër të madh aktivitetesh falas (1394 – përveç muzeve që përmendëm më sipër dhe atraksionet turistike), renditet e 93-ta për shkak të çmimit të ushqimit, pijeve dhe transportet.

Qytetet më të mira në Europë për turistët e kujdesshëm ndaj buxhetit

1. Grenada, Spanjë
2. Bruges, Belgjikë
3. Venecia, Itali
4. Valencia, Spanjë
5. Edinburgh, Mbretëri e Bashkuar
6. Innsbruck, Austri
7. Kembrixh, Mbretëri e Bashkuar
8. Sevilje, Spanjë
9. Malaga, Spanjë
10. Firence, Itali

/ The Independent

Postimi ” 3 qytetet europiane me numrin më të madh të atraksioneve turistike falas ” eshte marre nga Revista Monitor.

- Reklama -
spot_img
- Reklama -

Artikujt e Fundit