Murtaja Afrikane e Derrave është sëmundja që po kërcenon Evropën, përfshirë edhe vendet e rajonit, ku janë raportuar rastet e para.
Ish-drejtori i shërbimit veterinar Edi Fero thotë se konsumatorët shqiptarë nuk nuk duhet të ndihen të rrezikuar, pasi sëmundja nuk transmetohet tek njeriu. Ajo ka efekte shkatërruese vetëm në popullatën e derrave dhe ekonomi.
Vendi ynë thotë më tej, Fero gati 95 për qind të nevojave që ka sa i takon mishit të derrit, në pjesën më të madhe i siguron nga Holanda ku përmbushja e kritereve të sigurisë është në nivele maksimale.
Ndërkohë, pak ditë më parë Ministria e Bujqësisë njoftoi qytetarët për ndalim të importit nga disa prej vendeve të prekura.
“Ministria e Bujqësisë dhe zhvillimit Rural me qëllim mbrojtjen e territorit nga hyrja e virusit të Murtajës Afrikane të Derrave, ka marrë disa masa të menjëhershme sic janë, ndalimi dhe tranzitimi në Shqipëri të ngarkesave me kafshë të gjalla, produkteve te tyre, materialit biologjik, embrioneve të kafshëve të llojit derra, mishin e freskët dhe nënproduktet e tyre, nga vende, zona dhe territore ku është shfaqur sëmundja” thuhet në njoftimin zyrtar.
Ada Hazizolli/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
