Panorama aktuale e krijuar së fundmi shfaq një shpërbërje të boshtit Paris – Berlin. Marrëdhëniet mes vendeve po ftohen gjithnjë e më shumë, aq sa këshilli i përbashkët i ministrave francezë dhe gjermanë – i anuluar në 26 tetor – mbetet akoma pa një datë të re.
Për sa i përket politikës energjitike mosmarrëveshjet janë shumë të qarta. Franca këmbëngul për domosdoshmërinë e vendosjes së një kufiri cmimi për sa i përket gazit dhe elektricitetit, ndërsa Gjermania as nuk e merr fare në konsideratë këtë hipotezë.
Në selinë e këshillit europian, presidenti francez Macron u irritua shumë me masën mbrojtëse prej 200 miliard eurosh të konfirmuar nga qeveria gjermane, për sipërmarrjet në vend në mënyrë që të përballoheshin pasojat e cmimeve të energjisë.
Një masë e cila së bashku me refuzimin e vendosur për kufirin e cmimeve, e bën Gjermaninë të arratiset e vetme dhe e izoluar, të paktën sipas presidentit francez Macron.
Dhe në frontin e infrastrukturës gjërat nuk shkojnë më mirë: që para fillimit të luftës në Ukrainë, Parisi shprehu kritika të ashpra ndaj projektit të gazsjellësit ruso – gjerman NordStream 2 që më pas u pezullua.
Dhe projekti i gazjellësit MidCat, i mbajtur i fshehtë pas rezistencës franceze, është një tjetër goditje për miqësinë franko – gjermane. Sipas Francës projekti për lidhjen e gadishullit iberik me Europën qendrore do të ishte sigurisht në avantazh të Gjermanisë dhe për këtë arsye nuk ka asnjë kuptim që infrastruktura të paguhet nga Franca dhe Spanja.
Këto mosmarrëveshje kanë afruar Macron me qeverinë e re italiane të kryeministres Meloni. Por ky afrim ka si objektiv kryesor një presion më të madh politik ndaj Berlinit, për ta bindur që të ndryshojë qëndrimin e tij për këto cështje.
Nga ana e tij Berlini vijon të luajë në nivel individual, me një intensitet gjithnjë e më të lartë, me bashkëbiseduesin që zhvendoset në lindje. Në Gjermani, dhe jo vetëm, shitja e një terminali të portit të Hamburgut ku Scholz ka qenë kryebashkiak për një kohë të gjatë, kinezes Cosco, nuk u prit me entuziazëm. Përkundrazi pati kritika të ashpra.
Vizita më e fundit e kancelarit gjerman Scholz në Oekin, gjithnjë vetëm, tregon se bisedimet më të rëndësishme mbeten ato dypalëshe, për një paqe momentale të kohezionit evropian.
SCAN
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
