16.5 C
Tirana
E shtunë, 15 Qershor 2024

Biznesi shton fitimet prej çmimeve, ul kreditë për likuiditete – Huatë e reja kryesisht për investime. Pritshmëritë, optimiste edhe për vitin 2024

Duhen Lexuar

Çmimet e rritura përgjatë vitit 2023 kanë vijuar t’i sigurojnë biznesit fitime të larta, për pasojë situatë të mirë likiditeti, e cila është pasqyruar qartë te tendencat e kredimarrjes. Biznesi, veçanërisht i madhi, ka ulur ndjeshëm nevojën e huamarrjes për nevoja likiditeti, duke e përqendruar kërkesën për kredi te investimet. Kjo ka bërë që ngadalësimi i kredisë për sektorin privat gjatë 2023, t’i atribuohet më së shumti pikërisht ngadalësimit të kredisë për likuiditet nga ana e bizneseve.

Anketimi më i fundit i zhvilluar nga Banka e Shqipërisë zbardh se në linjë me pritjet e një tremujori më parë, kërkesa për kredi e bizneseve u raportua më e lartë, ndërkohë që balancat neto të kërkesës për kredi nga ana e bizneseve kanë mbetur pozitive që prej tremujorit të dytë të vitit 2021. Kërkesat e bizneseve në financimin e aktivitetit të tyre, duket se nuk janë frenuar as nga normat e larta të interesit dhe as nga disponueshmëria e likuiditeteve të larta nga ana e bizneseve. Sipas Bankave të nivelit të dytë, Balanca neto e kërkesës së bizneseve për financimin e investimeve regjistroi vlera të larta edhe këtë tremujor, nën frymën e vijimësisë së një cikli zgjerues të kapaciteteve prodhuese në vend, nxitur ndër të tjera edhe nga besimi i biznesit.

Ndërkaq, kërkesat për kreditim për vitin që sapo kanë nisur priten të jenë të larta, në vijimësi të trendeve të vitit të shkuar. Në tremujorin e parë të vitit 2024, bankat presin të jenë më akomoduese në politikat e kreditimit për zgjerimin e investimeve, si edhe në mbështetjen e ushtrimit të aktivitetit të bizneseve të vogla e të mesme. Ndërkohë, për kreditë e bizneseve në financimin e inventarëve dhe kapitalit qarkullues, si edhe për kreditë për biznesin e madh, bankat presin të ndjekin një përqasje disi më konservatore për tremujorin e parë të vitit 2024.

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications