Home Ekonomi Çfarë ndryshon në ligjin për investimet strategjike? – Propozimi i Shalsit në Komision. Tabaku: Cënon konkurrencën!

Çfarë ndryshon në ligjin për investimet strategjike? – Propozimi i Shalsit në Komision. Tabaku: Cënon konkurrencën!

0
Çfarë ndryshon në ligjin për investimet strategjike? – Propozimi i Shalsit në Komision. Tabaku: Cënon konkurrencën!

Ndryshimet e propozuara në ligjin për investimet strategjike, siç është shtyrja e afatit deri më vitin 2027 dhe rritja e vlerës minimale të investimit, kanë ngjallur debate në Komisionin e Ekonomisë dhe Financave. Deputeti Eduard Shalsi, si propozues i këtij drafti, ka theksuar se për shkak të fluksit të lartë të kërkesave, shtyrja e afatit është një urgjencë.

“Propozoj zgjatje afati deri ne 2027-ën. Disa kolegë thanë që ndërsa presim një ligj të ri pse duhet ta shtyjme kaq. Por eshte mase e domosdoshme për të garantuar vijueshmerine e procesit. Siguron vijimësinë pa shkeputje të pranimit të kërkesave për investimet strategjike,  duke i dhënë nenit 6 fuqi prapavepruese.”

Por ndërsa Minisria e Financave dhe Agjencia e Investimeve AIDA kanë shprehur dakordësinë me këtë propozim, deputetja demokrate Jorida Tabaku ka theksuar se duhej të ishte miratuar ligji i ti. Sipas saj ky ligj cënon konkurrencën.

Nuk ka ligj në parlamentin shqiptar që ka lindur i përkohshem dhe është bërë më i përhershëm se ligjet bazë. Ligji i investimeve strategjike cënon konkurrencën. Vetem shume pak propozime janë rrëzuar, duke bërë që 80 % prej tyre të panohen dhe mbi 82 për qind janë në turizëm. Ska transparencë, ligji ka favorizuar një pakicë kompanish duke cënuar konkurrencën. Prioritetet e qeverisë janë vendosiur në mënyrë të gabuar”.

Ndryshimet ligjore parashikojnë të rrisin dhe vlerën e investimeve deri në 100 milionë euro për ato investime që do të marrin statusin “investitor strategjik me procedurë të veçantë”, dhe t’i japin më shumë rol në vendimmarrje ministrive të linjës për të përgatitur studimet dhe kontratat. Kjo është shtyrja e tretë e afatit të një ligji që është miratuar në vitin 2015.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.