Home Biznesi & Start-Up Cili qytet “guxon” më shumë të hapë biznese? – Në muajt e parë të këtij viti u regjistruan 477 aktivitete të reja gjithsej

Cili qytet “guxon” më shumë të hapë biznese? – Në muajt e parë të këtij viti u regjistruan 477 aktivitete të reja gjithsej

0
Cili qytet “guxon” më shumë të hapë biznese? – Në muajt e parë të këtij viti u regjistruan 477 aktivitete të reja gjithsej

Biznesi për shqiptarët duket se është një nga mundësitë kryesore për të gjeneruar të ardhurat e tyre. Por duke ju referuar të dhënave të Open Data Albania, në muajt e parë të këtij viti janë regjistruar 477 biznese të reja në Shqipëri, ndërsa viti 2023 është mbyllur me 18.115 biznese në total.

Por si është shtrirë harta gjeografike e ndarë nëpër qytete?

Po në të njëjta të dhëna llogaritet se Tirana është qyteti që ka numrin më të lartë të bizneseve që janë hapur duke arritur në shifrën 174, ndërsa viti i kaluar është mbyllur e 8955 biznese.

Kjo për faktin se kryeqyteti për shkak të vëmendjes që ka si dhe numrit të lartë të popullsisë, të ofron më shumë mundësi për të ekperimentuar me zhvillimin e bizneseve.

Ndërkohë Durrësi është qyteti i dytë me numrin më të lartë të bizneseve duke arritur në 64 të tillë, gjithashtu dhe vitin që lamë ka rezultuar qyteti I dytë për numrin më të lartë bizneseve që janë regjistruar duke shënuar 1885 të tillë.

Vlora e Fieri kanë përkatësisht 45 dhe 40 biznese që janë regjistruar për këtë vit. Në Shkodër deri më tani, janë regjistruar 35 biznese, Lezhë dhe Elbasan 30 secili qytet, ndërsa në Korçë 26 bznese të regjistruar. Qytetet që kanë më pak aktivitete biznesi të regjistruara për këtë vit janë Berati me 14, Dibra 10, Gjirokastra 5 si dhe Kukësi 4.

Këtë të fundit duke e krahasuar me vitin 2023, ka rezultuar si qyteti me numrin më të ulët të bizneseve të hapura duke arritur në 130.

Diamila Leka/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.