29.5 C
Tirana
E enjte, 13 Qershor 2024

Çmimet e karburanteve, nafta rritet me 10 lekë, tregtarët fajësojnë bursën

Duhen Lexuar

Nga një vëzhgim i kryer nëpër pika të ndryshme të karburanteve në Tiranë, çmimi për një litër naftë është shtrenjtuar me 10-15 lekë për çdo pikë.

Për qytetarët të cilët e përdorin makinën si një mjet pune përkthehet në kosto më të larta për xhepat e tyre.

“Janë shumë shtrenjtë. Na ndikon shumë në aktivitetin e përditshëm se jemi në lëvizje gjithmonë”, thotë një qytetar.

“Rritja e çmimit të karburantit ndikon se është një kosto shtesë për ne. Herën e fundit që kam mbushur makinën ishte 173 lekë, nëse rritet do e lëmë makinën në shtëpi”, thotë një tjetër drejtues automjeti.

Për shoferët e taksive luhatja e çmimit të karburanteve ndihet më së tepërmi teksa punojnë çdo ditë me orare të zgjatura.

“Janë rritur sa s’ka ku të vej më. Na ka iku truri. Di që janë rritur çmimet nuk është e këndshme. Është kosto për ne shoferët më shumë seç duhet, shprehet një qytetar.

Shqiptarët konsumuan vitin e shkuar rreth 430 milionë litra naftë dhe benzinë, apo gati 36 milionë litra në muaj. Nëse kjo rritje çmimesh me 10 lekë do të zgjasë, atëherë pritet t’u kushtojë çdo drejtuesi mesatarisht 1 mijë lekë në muaj, ndërsa në total do të arkëtohen gati 3.5 milionë euro më shumë.

Krahasuar me rajonin sipas shoferëve këto çmime janë më të larta.

“Po të bëjmë krahasim se dalim dhe në zonën e Ballkanit, Mal të Zi, Kosovë, Maqedoni ka diferencë të madhe me këto shtete”.

“Po të llogarisësh me Greqinë, ne e kemi shumë më shtrenjtë se këtu. Na rëndon shumë imagjino kur Greqia është 1 mijë vjet para nesh dhe e ka 165 lekë, këtu është 185 lekë, është shumë lartë”.

Sipas operatorët të tregut ndryshimet në rritje të çmimit të karburanteve reflektojnë ato të bursës PLATTS, ku sipas të dhënave të Drejtorisë së Përgjithshme të Doganave, importi i naftës të javën e kaluar u mbyll me 936 dollarë për ton nga rreth 775 dollarë për ton një muaj më parë.

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications