29.5 C
Tirana
E enjte, 13 Qershor 2024

Mosndikimi i euros tek inflacioni, deputetët fajësojnë tregtarët e mëdhenj për çmimet e larta

Duhen Lexuar

Mosreflektimi i rënies së çmimeve në tregjet ndërkombëtare dhe zhvlerësimit të euros, për shkak të kostove dhe konkurrencës së lirë, është konsideruar një justifikim i bizneseve shqiptare nga deputeti i Partisë Socialiste, Erion Braçe.

Gjatë diskutimeve në Komisionin e Ekonomisë dhe Financave, Braçe fajësoi tregtarët e mëdhenj për mosndryshimin e çmimeve. “Dini ju ndonjë produkt që i ka rënë çmimi 16% vetëm si efekt i rënies së euros? Përtej faktit që kemi pas. Në kushtet kur euro nga marsi që shkoi deri në maj ka rënë me 16 pikë % duhet të kishim përfitime të mëdha në inflacion në rënien e çmimeve”, tha Braçe.

“Ajo që ne shohim jo vetëm se bie me shumë ritme të ngadalta, por të paktën atje ku jemi importues  ne vazhdojmë të jemi me çmime të larta. Të mos reflektosh asgjë nga rënia e çmimeve të tregjeve ndërkombëtare dhe nga rënia e euros dhe ta mbulosh këtë nga paga minimale është zero justifikim. Këto paratë neto që hyjnë këtu nga rënia e euros po i fitojnë tregtarët që dominojnë tregjet. Minimalisht me 15 miliardë euro të importuara thjesht si efekt i kursit të këmbimit duhet të jenë 100 milionë dollarë fitime ose të ishin transferuar te qytetarët për çmimet”.

Por kjo u kundërshtua nga deputeti socialist Vullnet Sinaj, sipas të cilit bizneset po përballen me shpenzime të larta. “Përditë pagat e punonjësve rriten dhe është një kosto e madhe për biznesin dhe ulja e normës së këmbimit të euros është shumë pak te bizneset në krahasim me barrën e madhe që kanë bizneset për shkak të konkurrencës së madhe”, tha ai.

Destabilizimi i tregut të këmbimit valutor sipas deputetit Edmond Spaho pritet të vijojë për një kohë të gjatë. “Iniciativa e marrë është një zgjidhje e përkohshme, euro nga parashikimet mund të ngelet për një kohë të gjatë në këto nivele, për t’iu ardhur në ndihmë sektorëve. Të gjendet shkaku real nga vjen rënia e euros me këto përmasa sepse në Bashkimin Europian nuk ka një destabilitet të tillë. Madje kini parasysh do të prekë dhe turizmin, ku pjesa dërmuese vjen nga Kosova, Maqedonia e Veriut”, tha Spaho.

Masat e marra nga qeveria për të lehtësuar eksportuesit e prekur nga kursi është shtyrja e pagesës së kësteve të tatim-fitimit dhe rimbursimi i menjëhershëm i TVSH-së, masa të konsideruara të pamjaftueshme nga dhomat e biznesit.

MB ECURIA E TREGUT VALUTOR frame 311 1280x720

Euro e nis javën me “të kuqe”

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications