15.5 C
Tirana
E shtunë, 24 Shkurt 2024

Digat, “asetet e rrezikshme” të Shqipërisë – Studim parafizibiliteti për 431 rezervuare 

Duhen Lexuar

Shqipëria konsiderohet si një ndër vendet e para në botë për numrin e digave në raport me sipërfaqen dhe numrin e banorëve.

Në total, në vend numërohen rreth 626 rezervuare, ku një pjesë përdoren për prodhim energjie e një pjesë tjetër për qëllime ujitje në bujqësi.

Ndërsa në bashkëpunim me Bankën Botërore janë bërë investime në digat e hidrocentraleve të mëdha, për rezervuarët e vegjël të bujqësisë pritet të nisë një studim parafizibiliteti.

Burime nga ministria e Bujqësisë bëjnë me dije se rreth 431 diga do t’i nënshtrohen këtij studimi lidhur me nevojën e ndërhyrjes për rehabilimin e tyre.

Shuma e vendosur në dispozicion është 1.6 milionë euro vetëm për realizimin e këtij studimi.

Studimi do të realizohet në kuadër të problematikës së vjetërsisë dhe amortizimit që paraqesin digat e rezervuarëve, që jo pak herë janë bërë shkak për përmbytje.

Ky numër kaq i lartë i digave konsiderohet si një aset i Shqipërisë gjatë periudhës së reshjeve të pakta, e paralelisht edhe një rrezik në rastet e reshjeve të shumta.

Marinela Lina /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit