Home Ekonomi Energjia në janar-maj, KESH mbledh 26 milion euro nga eksporti, por sezoni turistik po vjen

Energjia në janar-maj, KESH mbledh 26 milion euro nga eksporti, por sezoni turistik po vjen

0
Energjia në janar-maj, KESH mbledh 26 milion euro nga eksporti, por sezoni turistik po vjen

Reshjet e shiut po mbajnë të mbushur hidrocentralet, nevojat po plotësohen nga prodhimi vendas, KESH po fiton ca para’ nga shitja e energjisë. Është kjo panorama e sektorit energjetik, tërësisht ndryshe nga ajo e një viti më parë.

Të dhënat tregojnë se Korporata Elektro-Energjetike Shqiptare ka eksportuar mbi 316 mijë megavat/orë energji, kryesisht gjatë janarit dhe majit. Me një çmim mesatar 82 euro për megavat/orë, KESh ka arkëtuar 26 milionë euro.

“Kjo vjen si pasojë e përmirësimit të situatës hidrike. Arrijmë jo vetëm të mbulojmë të gjitha nevojat, por edhe të eksportojmë. Jemi në situatën më të mirë të tre viteve të fundit”, shprehet inxhinieri Azmer Duleviç.

Por situata e kënaqshme hidrike, e cila po lejon edhe eksportet, nuk pritet të zgjasë shumë, teksa po hyjmë në sezonin turistik të verës.

“Vija bregdetare kërkon energji shtesë. Gjatë verës jo vetëm që nuk mund të eksportojmë, por pritet të shkojmë sërish te importi nga jashtë”, shpjegon Duleviç.

Shpresat janë te bursa e energjisë ALPEX për të garantuar çmime sa më të ulëta nga importi.

Të dhënat nga Korporata Elektro-Energjetike Shqiptare tregojnë se nga 1 janari e deri më 20 maj të vitit të shkuar u importuan nga jashtë mbi 250 mijë megavat/orë energji, ndërsa nga buxheti i shtetit dolën gati 70 milionë euro.

Burimi: A2 CNN