Zhvillimi urban, transporti, energjia, pylltaria dhe bujqësia do të përthithin më shumë se 8.5 miliardë dollarë investime në kuadër të Planit Kombëtar të Përshtatjes ndaj Ndryshimeve Klimatike qe ka hyre tashmë ne fuqi, duke përbërë pjesën dërrmuese të kostos totale prej 9.8 miliardë dollarësh që qeveria ka vlerësuar për dekadën e ardhshme.
Dokumenti identifikon këta sektorë si më të ekspozuarit ndaj rreziqeve klimatike dhe njëkohësisht si fushat ku kërkohen investimet më të mëdha për të rritur rezistencën e ekonomisë dhe infrastrukturës së vendit.
Sipas planit, zhvillimi urban përfaqëson zërin më të madh financiar. “Kostoja totale e masave prioritare për sektorin e zhvillimit urban vlerësohet në 2.72 miliardë USD”, thuhet në dokument. Pas tij renditet pylltaria me 2.13 miliardë dollarë. “Kostoja totale e masave prioritare për sektorin pyjor vlerësohet në 2.13 miliardë USD”, thuhet në plan. Transporti kërkon investime prej 2.04 miliardë dollarësh.
“Kostoja totale e masave prioritare për sektorin e transportit vlerësohet në 2.04 miliardë USD”, sipas dokumentit. Ndërkohë sektori energjetik parashikohet të kërkojë 1.96 miliardë dollarë financim. “Kostoja totale e masave prioritare vlerësohet në 1.96 miliardë USD”, thuhet për energjinë. Bujqësia, një nga sektorët më të ndjeshëm ndaj ndryshimeve klimatike, llogaritet të ketë nevojë për 678 milionë dollarë investime. “Kostoja totale e masave prioritare vlerësohet në 678 milionë USD”, thuhet në plan.
Dokumenti argumenton se investimet urbane janë të lidhura me rritjen e rrezikut nga përmbytjet, temperaturat ekstreme dhe presioni mbi infrastrukturën ekzistuese. “Integrimi i konsideratave klimatike në planifikimin urban dhe territorial është thelbësor për reduktimin e vulnerabilitetit”, thuhet në dokument. Për sektorin e transportit, plani identifikon ekspozim të drejtpërdrejtë të rrugëve, urave dhe aseteve të tjera publike ndaj fenomeneve ekstreme të motit. “Infrastruktura e transportit është e ekspozuar ndaj përmbytjeve dhe ngjarjeve të tjera ekstreme klimatike”, thuhet në plan. Në energji, shqetësimi kryesor lidhet me varësinë e sistemit nga hidrocentralet. “Varësia e lartë nga prodhimi hidroenergjetik rrit ekspozimin ndaj thatësirave dhe ndryshimeve në regjimin hidrologjik”, thuhet në dokument.
Plani paralajmëron se ndryshimet klimatike mund të paraqesin rrezik për sigurinë energjetike të vendit. “Ndryshimet klimatike paraqesin rreziqe për sigurinë energjetike”, thuhet në plan. Në sektorin rural, dokumenti identifikon bujqësinë si një nga aktivitetet ekonomike më të ekspozuara. “Bujqësia është ndër sektorët më të ndjeshëm ndaj ndryshimeve klimatike”, thuhet në dokument.
Po ashtu, plani nënvizon se fermerët e vegjël përballen me rreziqe më të mëdha nga thatësirat, temperaturat e larta dhe luhatjet e reshjeve. “Fermerët e vegjël konsiderohen veçanërisht të cenueshëm”, thuhet në plan. Për pyjet, dokumenti evidenton rrezikun në rritje nga degradimi i ekosistemeve dhe ngjarjet ekstreme klimatike. “Ekosistemet pyjore përballen me rrezik në rritje nga ndryshimet klimatike”, thuhet në dokument.
Qeveria argumenton se këto investime synojnë të rrisin aftësinë e përballimit apo qëndrueshmërinë e sektorëve strategjikë dhe të kufizojnë humbjet ekonomike të lidhura me klimën. “Masat e adaptimit synojnë të reduktojnë cenueshmërinë e sektorëve kritikë”, thuhet në plan./ N.Maho
Postimi ” Fatura e klimës, 5 sektorët që kërkojnë mbi 8.5 miliardë dollarë investime ” eshte marre nga Revista Monitor.
