29.5 C
Tirana
E enjte, 13 Qershor 2024

Inflacioni prek të moshuarit në azile, kërkohet rritja e kuotës ditore prej 360 lekësh

Duhen Lexuar

Një në gjashtë shqiptarë është i moshuar. Në raport me numrin e popullsisë rezidente e cila përllogaritet në pak më shumë se 2.7 milionë banorë, personat mbi 65 vjeç zënë 66.5 për qind të totalit. Një pjesë e tyre, kryesisht pa pasardhës apo të afërm të tjerë jetojnë në Institucionet Rezidenciale për të Moshuar, njohur ndryshe si azile. Që prej vitit 2018 atyre iu është përcaktuar një kuotë ditore për t’u ushqyer në vlerën e 360 lekëve apo 10 mijë e 800 lekë në muaj.

“Kjo nuk reflekton më shtrenjtimin e çmimeve dhe rritjen e inflacionit veçanërisht vitet e fundit” , shprehet Vilma Shurdha.

Ndërsa Komisioneri për Mbrojtjen nga Diskriminimi, Robert Gajda nga për Punën, Çështjet Sociale dhe Shëndetësinë akuzoi se në disa azile të moshuarit diskriminohen.

“Kemi pasur raste në Fier ku edhe pse ligji i detyron, qendrat nuk kanë pranuar të moshuar me aftësi të kufizuara”, tha Gajda.

Ndërkohë Avokatja e Popullit Erinda Ballanca. Ballanca u ankua edhe se me gjithë indeksimin 8.6 për qind, ajo që të moshuarit marrin nuk iu mjafton për të “pleqëruar me dinjitet”.

“Masa e pensionet është e pamjaftueshme për një pjesë të popullsisë dhe nuk reflekton nevojat reale”, deklaroi Avokatja e Popullit Erinda Ballanca.

Ndërsa Anila Bulo, zëvendësrektore e Universitetit të Mjekësisë ngriti shqetësimin se të rinjtë po largohen gjithnjë  më tepër nga programet e studimit që kanë në fokus përkujdesjen ndaj të moshuarve.

“Kemi humbur ndjeshmërinë ndaj moshës së tretë. Në fushën e geriartisë ka zero interes. Edhe në programet e tjera që kemi hapur nuk ka pasur interes”, tha Bulo.

Përfaqësues nga shoqata që kanë në fokus të moshuarit në vend ngritën shqetësimin se me plakjen e popullsisë, kapacitet aktuale janë të pamjaftueshme. Ata kërkuan shtim të azileve publike dhe zgjerim të buxheteve në dispozicion.

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications