16.5 C
Tirana
E shtunë, 15 Qershor 2024

Intesa Sanpaolo Bank zgjeron ofertat, mundësi investimi në fondet kolektive për shqiptarët në BE

Duhen Lexuar

Intesa Sanpaolo Bank Albania pasuron më tej ofertën e saj me një gamë të gjerë zgjidhjesh investimi të cilat janë të disponueshme brenda Grupit Intesa Sanpaolo dhe ofrohen nga Eurizon, Divizioni i Menaxhimit të Aseteve të Grupit dhe një nga kompanitë kryesore evropiane të menaxhimit të aseteve me një përvojë të konsoliduar dhe të suksesshme prej më shumë se 30 vjet në menaxhimin e pasurisë dhe investimeve. 
Aktiviteti “Hapja e mundësive të reja për investime në fonde kolektive në Bashkimin Evropian për qytetarët shqiptarë” i cili u zhvillua në Rezidencën e Ambasadorit Italian në Tiranë kishte si objektiv prezantimin e sektorit të Menaxhimit të Aseteve në Shqipëri nga Grupi Intesa Sanpaolo, i cili synon që t’u ofrojë klientëve vendas mundësi investimi në fonde kolektive në Bashkimin Evropian.

Në aktivitet morën pjesë SH.T. z. Fabrizio Bucci, Ambasador i Republikës së Italisë në Shqipëri, z. Ervin Mete, Ministër i Financave dhe Ekonomisë, znj. Delina Ibrahimaj, Ministre e Shtetit për Sipërmarrjen dhe Klimën e Biznesit, znj. Mimoza Kaçi Kryetare në Detyrë Autoriteti i Mbikëqyrjes Financiare në Shqipëri, z. Massimo Mazzini, Drejtues i Marketingut dhe Zhvillimit të Biznesit në Eurizon, z. Alexander Resch, Drejtor Ekzekutiv i Retail dhe Menaxhimit të Pasurisë në Divizionin Ndërkombëtar të Bankave Filiale të Grupit Intesa Sanpaolo, z. Alessandro D’Oria, Drejtori i Përgjithshëm Ekzekutiv i Intesa Sanpaolo Bank Albania si dhe përfaqësues të shtypit. 

Z. Alessandro D’Oria, Drejtori i Përgjithshëm Ekzekutiv i Intesa Sanpaolo Bank Albania deklaroi se: “Mundësia për të ofruar një zgjidhje të përparuar, siç janë fondet kolektive të shoqërisë Eurizon, është jo vetëm një hap i madh për bankën, por edhe një hap themelor për investitorin shqiptar. Paralelisht, së bashku me aktivitetin e Bancassurance që po ofrohet nga Banka, ne i mbetemi besnikë qëllimit dhe synimit tonë për të zgjeruar më tej katalogun e produkteve tona dhe për t’u shërbyer më mirë klientëve tanë.”

Divizioni Ndërkombëtar i Bankave Filiale i Grupit Intesa Sanpaolo ka një prani strategjike ndërkombëtare, me afërsisht 890 degë dhe 7.1 milionë klientë, nëpërmjet filialeve të tij që operojnë në 12 vende në Evropën Qendrore Lindore dhe Afrikën e Veriut. 

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications