30.5 C
Tirana
E hënë, 24 Qershor 2024

Komisioni Europian do të ndajë 1 miliard euro për mbrojtjen e pyjeve në mbarë botën

Ursula von der Leyen, Presidentja e Komisionit Europian, ka njoftuar një paketë mbështetjeje pesëvjeçare prej 1 miliard eurosh, e cila do t'i ndihmojë shtetet anëtare të mbrojnë, rivendosin dhe menaxhojnë në mënyrë të qëndrueshme pyjet dhe në të njëjtën kohë të respektojnë Akordin e Parisit.

Duhen Lexuar

Fondet janë pjesë e angazhimit global të nënshkruar në COP26 nga liderët botërorë për të mbrojtur pyjet. Si rezultat, BE-ja do të punojë me vendet partnere për të ruajtur, rivendosur dhe siguruar menaxhimin e qëndrueshëm të pyjeve në një mënyrë gjithëpërfshirëse dhe të integruar.

“Pyjet janë mushkëritë e gjelbra të tokës. Ne duhet t’i mbrojmë dhe t’i rivendosim ato. Kam kënaqësinë të njoftoj se ne do të investojmë 1 miliard euro për të mbrojtur pyjet e botës. Kjo është një shenjë e qartë e angazhimit të BE-së për të nxitur ndryshimet globale dhe për të mbrojtur planetin tonë, në përputhje me Paktin e Gjelbër Europian”, tha Ursula von der Leyen, sipas një njoftimi për shtyp në faqen zyrtare të Komisionit Europian.

Nga 1 miliard euro, 250 milionë euro do të shkojnë në pellgun e Kongos, duke mbuluar tetë vende (Kamerunin, Republika e Afrikës Qendrore, Republika Demokratike e Kongos, Republika e Kongos, Guinea Ekuatoriale, Gabonin, Burundin dhe Ruandan) për të mbrojtur rajonin e dytë më të madh të pyjeve tropikale në botë, duke përmirësuar njëkohësisht jetesën e popullatave të tij.

“Kontributi i premtuar i BE-së sot për të menaxhuar, rivendosur dhe mbrojtur në mënyrë të qëndrueshme pyjet do të mbështesë rritjen e qëndrueshme dhe vendet e punës, zbutjen dhe përshtatjen e klimës dhe ruajtjen e biodiversitetit në vendet tona partnere. Bashkimi Europian do të punojë në partneritet me qeveritë, shoqërinë civile, popujt indigjenë dhe aktorët privatë, në një qasje shumëpalëshe, për të arritur Objektivat e Zhvillimit të Qëndrueshëm dhe për të vënë njerëzit dhe planetin në radhë të parë. Fokusi specifik në pellgun e Kongos është një mesazh i drejtpërdrejtë për rëndësinë e kësaj zone unike dhe ekosistemit të saj” tha Jutta Urpilainen, Komisionerja për Partneritete Ndërkombëtare.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications