Që prej janarit të vitit 2014 ai ka mbajtur pozicionin e Drejtorit të Grupit Ligjor, Rregullator dhe Konkurrencës në kompani.
Znj. Irida Bonati është emëruar Zëvendësdrejtore e Përgjithshme. Ajo i është bashkuar kompanisë në vitin 2008 dhe mban pozicionin e Drejtores së Departamentit të Burimeve Njerëzore dhe Çështjeve Administrative.
Znj. Bilgen Aldan, e cila shërbeu si Drejtore e Përgjithshme e kompanisë gjatë vitit të kaluar, u vlerësua nga kompania për përpjekjet e saj në drejtim të kalimit të suksesshëm të pronësisë së ALBtelecom dhe për të gjithë kontributin e dhënë në zhvillimin e mëparshëm të kompanisë.
ALBtelecom, në jubileun e vet prej 110 viteve në vitin 2022 numëron 743 punonjës. Kompania ka rreth 153,000 linja të telefonisë fikse, 118,000 abonime interneti dhe 66,000 klientë të paketave televizive. Me 405,000 klientët e saj, kompania është lojtari i tretë më i madh i tregut në Shqipëri në fushën e shërbimeve celulare.
Infrastruktura e telekomunikacionit të ALBtelecom përfshin rrjetin më të madh të fibrave optike prej 4,500 kilometrash dhe 450 stacione celulare të vetat.
4iG,
Shitja te hungarezët e 4iG
Grupi i TIK dhe Telekomunikacionit në Hungari, është zgjeruar në rajon nëpërmjet blerjeve të reja dhe ka njoftuar më 4 mars 2022 blerjen e 80.27 përqind të pronësisë në ALBtelecom, pas miratimit të autoriteteve shqiptare. 4iG gjithashtu ka marrë së fundmi miratimin nga autoritetet shqiptare për blerjen e kompanisë One Telecommuncations në Shqipëri.
