30.5 C
Tirana
E shtunë, 20 Korrik 2024

Porti në Porto Romano, zbardhen detajet – Terminali i kontejnerëve, gati në 2026-ën, koncesion 35-vjeçar për ndërtimin dhe funksionimin

Duhen Lexuar

Porti i Integruar i Durrësit në Porto Romano të zhvillohet në drejtim të tokës dhe jo në det. Kjo është alternativa e rekomanduar nga kompanitë konsultente, që kanë hartuar raportin e Vlerësimit të Ndikimit në Mjedis, të depozituar pranë Agjencisë Kombëtare të Mjedisit në muajin nëntor.

Sipas, përmbledhjes joteknike të raportit, kostoja kapitale e konceptit të zhvillimit të portit në det do të ishte më e lartë se sa për zhvillimin e portit në breg. Raporti rendit edhe disa arsye të tjera mbi përzgjedhjen e konceptit C2, por gjithsesi shton se kjo alternativë kërkon më shumë shpronësime të tokës, si dhe gërmim e pastrim.

Sa i takon kohëzgjatjes së realizimit të projektit, në dokument specifikohet se infrastruktura portuale konsiderohet të jetë e kushtueshme dhe financimi dhe ndërtimi do të ndahen në faza.

Faza e parë parashikon ndërtimin e:  Terminalit të kontejnerëve, duke përfshirë lidhjen me infrasatrukturën rrugore, hekurudhore, rrjetin e kanalizimeve, energjisë elektrike dhe zgjidhjen e furnizimit me ujë.

Po ashtu, në fazën e parë parashikohet ndërtimi i një objekti detar, fushëveprimi i të cilit është ende për t’u përcaktuar, si dhe krijimi dhe ndërtimi i infrastrukturës dhe objekteve të përbashkëta portuale duke përfshirë vendbregëzimet e shërbimeve detare dhe ndërtesat e përbashkëta portuale, si: Ndërtesa e administratës portuale, ndërtesa e zyrave doganore dhe agjencive të tjera, objektet e sigurisë dhe mbrojtjes civile, zyrat e kapitenerisë së portit dhe kulla e kontrollit, etj.

Ndërkaq, në dokument specifikohet se është planifikuar një koncesion 35-vjeçar që mbulon prokurimin, funksionimin dhe mirëmbajtjen e terminalit të kontejnerëve. Sa i përket afateve kohore supozohet që deri në fillim të vitit 2026 do të përfundojnë dhe do të vihen në punë vendbregëzimet e përgjithshme të ngarkesave dhe terminali i kontejnerëve.

Lidhja hekurudhore me portin e ri do të përfundojnë deri në fillim të vitit 2030, ndërsa deri në vitin 2060 mund të jenë të nevojshëm tre vendbregëzime shtesë për përballimin e fluksit.

Ola Mitre /

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications