Këshilli i Ministrave ka miratuar sot vendimin që rregullon funksionimin e Agjencisë së Trajtimit të Koncesioneve dhe PPP (ATRAKO). Agjencia do të jetë institucion publik buxhetor, me seli në Tiranë, në varësi të ministrit të ekonomisë.
Sipas vendimit, misioni i ATRAKO-s është të kontribuojë në zhvillimin e koncesioneve dhe partneriteteve publike private, duke respektuar legjislacionin në fuqi dhe standardet evropiane, në bazë të ligjit nr.88/2025.
Struktura dhe shpërblimet
Struktura dhe organika e agjencisë do të miratohen me urdhër të Kryeministrit, në përputhje me dispozitat ligjore. Vendimi parashikon gjithashtu shpërblime të veçanta për punonjësit për çdo studim fizibiliteti të përfunduar dhe të dorëzuar zyrtarisht, si dhe përcakton tarifat e shërbimit për ekspertët e jashtëm.
