16.5 C
Tirana
E diel, 16 Qershor 2024

Qytetarët, afat për bonot e privatizimit deri në 2027-ën – 42% ende në qarkullim. Cilët janë kategoritë që mund ti përdorin?

Duhen Lexuar

Qytetarët shqiptarë do të kenë mundësi të përdorin bonot  e privatizimit deri në dhjetor të vitit 2027. Komisioni parlamentar i Ekonomisë dhe Financave ka vendosur zgjatjen e afatit, duke qenë se kishte përfunduar në fund të vitit të kaluar me argumentin se 42% e bonove të privatizimit rezultojnë të papërdorura.

Antoneta Dhima, Deputete e PS:

“42% e bonove të privatizimit janë në qarkullim dhe mund të përdoren nga persona që duan të legalizojnë banesat e tyre apo duan të privatizojnë objekte të cilat i kanë me qira apo dëshirojnë që përmes procedurave të ndryshme ligjore të privatizojnë objekte që u janë kthyer me vendim të Komisionit të Kthimit të Pronave

Referuar të dhënave zyrtare aktualisht janë asgjësuar nga Banka e Shqipërisë më shumë se 1.6 milionë copë bono privatizimi, si dhe janë përdorur për privatizim rreth 1.7 milionë copë, pra gati 58% e bonove të privatizimit.

Shtyrja e afatit u vjen në ndihmë veçanërisht të atyre kategorive të shtresave shoqërore, që përdorin bonot e në procese të rëndësishme siç janë procesi i legalizimit të ndërtimeve informale, privatizimi i objekteve që administrohen nga Ministria e Mbrojtjes, Ministria e Brendshme, Ministria e Bujqësisë dhe Zhvillimit Rural, organet e pushtetit vendor, etj., të cilat nuk janë privatizuar ende.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications