Kryeministri Edi Rama ndodhet në Paris, ku me ftesë të Presidentit të Francës, Emmanuel Macron, po merr pjesë në Forumin e Paqes. Ky event ndërkombëtar këtë vit vë në qendër rolin e qeverisjes efektive si garanci për paqe të qëndrueshme, stabilitet dhe prosperitet, në një periudhë të shënuar nga ndryshime gjeopolitike, zhvillime teknologjike dhe sfida klimatike.

Perspektiva evropiane për brezat e rinj

Gjatë Forumit, Rama do të marrë pjesë në një sesion të veçantë në formatin “Spotlight”, ku tema e diskutimit do të jetë perspektiva evropiane dhe rëndësia që ka procesi i anëtarësimit në Bashkimin Evropian për gjeneratat e reja.

Seanca plenare

Kreu i qeverisë shqiptare do të jetë gjithashtu i pranishëm në Seancën Plenare të Forumit, me temë “From Sovereignty to Cooperation”, e cila do të shqyrtojë dimensione të ndryshme të bashkëpunimit ndërkombëtar.