16.5 C
Tirana
E diel, 16 Qershor 2024

Shpërndarja e të ardhurave shtesë, ndryshe nga vjet, qeveria ende asnjë paketë ndihme për qytetarët

Duhen Lexuar

Nga indeksimi i pensioneve dhe ndihmës ekonomike te mbështetja për transportin urban, fermerët, bashkë me subvencionimin e çmimit të energjisë për një kategori biznesesh… qeveria shpenzoi në total për të ashtuquajturat “Paketa të Rezistencës” më pak se 11 miliardë lekë apo rreth 108 milionë euro vitin e shkuar.

“Pavarësisht se paketat e qeverisë kishin vlerën më të ulët në Europë, sërish duhet të pranojmë se ato dhanë një farë ndihme për qytetarët dhe ekonominë në përgjithësi”, thotë ekspertja e ekonomisë Suzana Guxholli.

Megjithatë, më mirë pak se sa fare. Nëse vitin e shkuar deri në korrik qeveria kishte rishikuar dy herë buxhetin e shtetit duke shpërndarë një pjesë të të ardhurave, e njëjta nuk po ndodh këtë vit.

“Çmimet vijojnë të mbesin të larta. Kemi 40 për qind të popullit në pamundësi të theksuar ekonomike. Nuk ka shpjegim mosdhënia e ndihmës nga qeveria”, thotë Guxholli.

Me gjithë krizën e çmimeve që vijon, qeveria duket sikur ka zgjedhur vetëm të vëzhgojë… të paktën deri më tani. Kjo në një kohë që të ardhurat në buxhet po tejkalojnë edhe parashikimet më optimiste. Të dhënat nga Ministria e Financave dhe Ekonomisë tregojnë se në arkën e shtetit janë futur gati 320 miliardë lekë në harkun e muajve janar-qershor nga 279.4 miliardë në po të njëjtin hark kohor të një viti më parë.

fundit

“Duhet garantuar mbështetje afatshkurtër dhe afatmesme. Masat duhen përqendruar te dhënia e ndihmave te shtresat në nevojë dhe biznesi i vogël që garanton të ardhura për një pjesë të mirë të popullatës. Indeksimi i pensioneve është gjithashtu një nevojë emergjente”, thotë Guxholli.

Ndryshe nga një vit më parë ku qeveria ishte e përqendruar te ofrimi i ndihmës ndaj popullatës për të lehtësuar krizën e çmimeve, këtë vit politikat janë fokusuar kryesisht te rritja e pagave dhe stimujt e tjerë për të mbajtur të rinjtë në vend.

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications