Çmimet e rritura të karburanteve nuk i kanë stepur shqiptarët në lëvizjet e tyre me makina jashtë kufijve, përkundrazi. Udhëtimet me makinat personale janë rritur ndjeshëm krahasimisht me një vit më, veçanërisht gjatë muajve të pushimeve. Trendi reflektohet në numrin e kontratave të sigurimit të kartonit jeshil, i cili paguhet nga të gjitha automjetet me targa shqiptare që udhëtojnë jashtë territorit të vendit. Për periudhën janar tetor 2022 këto kontrata janë rritur me 58%, raporton Autoriteti i Mbikqyrjes Financiare.
Produkti Karton Jeshil në periudhën janar-tetor 2022 pati një rritje prej 40.19% të vëllimit të primeve të shkruara bruto. Kjo u shoqërua nga një rritje të numrit të kontratave prej 58.74% krahasuar me periudhën janar-tetor 2021. Ndërkaq volumi i arkëtimeve nga kompanitë u rrit nga 1 miliardë lekë, apo afërisht 10 milionë dollarë në janar tetor 2021, në 1.5 miliardë lekë, apo afërisht 15 milionë dollarë në dhejtëmujorin e këtij viti.
Ndërkaq rritje kanë shënuar të gjithë treguesit e sigurimit të automjeteve. Sigurimi i Detyrueshëm Motorik. Primet e sigurimit të detyrueshëm motorik, gjatë periudhës janar-tetor 2022 arritën rreth 10,6 miliardë lekë, afërisht 100 milionë dollarë ose 10.61% më shumë se në periudhën janar-tetor 2021. Produkti MTPL e brendshme, në periudhën janar-tetor 2022, pati një rritje prej 6.58% të vëllimit të primeve të shkruara bruto. Kjo u shoqërua edhe me një rritje të numrit të kontratave prej 4.57% krahasuar me të njëjtën periudhë të një viti më parë.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
