16.5 C
Tirana
E shtunë, 15 Qershor 2024

Shqiptarët jashtë për turizëm, kartoni jeshil rritje 45% – U paguan rreth 1.2 milionë euro për sigurimin e makinave që udhëtuan jashtë kufijve

Duhen Lexuar

Rritja shifrave të turizmit gjatë kësaj vere konfirmohen edhe nga të dhënat e tregut të sigurimeve, të cilat flasin për një shtim të fortë të numrit të shqiptarëve që kanë udhëtuar jashtë kufijve për të kaluar pushimet.

Kontratat e kartonit jeshil, sigurimi që paguan çdo mjet me targa shqiptare që kalon jashtë kufijve, rezultojnë në 45% më shumë se një vit më parë në muajin gusht. Të dhënat vijnë përmes Autoritetit të Mbikqyrjes Financiare, i cili raporton se Produkti Karton Jeshil në muajin janar-gusht  2023 pati një rritje prej 3.26% të vëllimit të primeve të shkruara bruto. Kjo u shoqërua nga një rritje të numrit të kontratave prej 45.38% krahasuar me muajin janar-gusht  2022. Në total, shqiptarët paguan rreth 1.2 milionë euro për t’u siguruar nga aksidentet jashtë kufijve.

Po ashtu në rritje është edhe produkti i sigurimit kufitar. AMF bën me dije se Produkti Sigurim Kufitar, për periudhën janar-gusht  2023, pati një rritje 0.61% të vëllimit të primeve të shkruara bruto krahasuar me muajin janar-gusht  2022. Edhe numri i kontratave u rrit me 12.52%.

Ndërkaq rritje të konsiderueshme ka pasur këtë verë i gjithë segmenti i sigurimit të detyrueshëm të automjeteve.

Produkti MTPL e brendshme, në muajin janar-gusht  2023, pati një rritje prej 8.55% të vëllimit të primeve të shkruara bruto. Kjo u shoqërua edhe me një rritje të numrit të kontratave prej 9.78% krahasuar me të njëjtën periudhë të një viti më parë.

Primet e sigurimit të detyrueshëm motorik, gjatë muajit janar-gusht  2023 arritën rreth 9 miliardë lekë, ose 7.39% më shumë se në muajin janar-gusht  2022.

Tregu vijon të mbetet i orientuar tek sigurimet e Jo-Jetës, të cilat sollën 91.98% të vëllimit të përgjithshëm të primeve, sigurimet e Jetës kanë 7.94% dhe risigurimi 0.08 %. Parë nga këndvështrimi i ndarjes së tregut sipas llojit të sigurimit, i detyrueshëm dhe vullnetar, primet e shkruara bruto të sigurimit vullnetar zënë 40.84% dhe primet e shkruara bruto të sigurimit të detyrueshëm zënë 59.16% të totalit të tregut.

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications