29.5 C
Tirana
E enjte, 13 Qershor 2024

Taksat për vitin 2024 – Nis tatimi progresiv për profesionet e lira

Duhen Lexuar

Nga 1 janari ka nisur zbatimi i tatimit progresiv me normat tatimore 15% dhe 23% për të vetë punësuarit, personat fizikë dhe tregtarë të shërbimeve të profesioneve të lira.

Tatimi 15% për fashën e parë të bizneseve me të ardhura vjetore deri 14,000,000 lekë në vit sipas Ministrisë së Financave dhe Ekonomisë do të llogaritet mbi fitimin, pas zbritjes së shpenzimeve dhe të ardhurave të pagës minimale ndaj totalit të të ardhurave vjetore.

Për profesionet e lira të përcaktuar sipas listës të vendimit “Për dispozitat zbatuese të ligjit nr. 29/2023, “Për tatimin mbi të ardhurat” me të ardhura vjetore deri 14 milionë lekë në vit shpenzimet e zbritshme fikse të padeklaruara në kontabilitet njihen në vlerën 30%.

Në total janë evidentuar 42 mijë subjekte, por një pjesë e tyre nuk do të jenë objekt tatimi gjatë vitit të ardhshëm për shkak se ofrojë shërbime utitare si këpucar, rrobaqepës, berber etj. Ndërsa 92 mijë biznese të tjera tregtare me xhiro 0-14 milionë lekë parashikohet të jenë pjesë e skemës së tatim-fitimit në vitin 2029.

Në draftin e ri gjithashtu është shkurtuar afati i përftimit të lehtësive fiskale për sektorin IT. Kështu, norma e tatimfitimit 5 për qind do të jetë e vlefshme deri më 31 Dhjetor 2025 dhe jo deri në 2029-ën sikurse ishte parashikuar.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications