Taksimi i tokave për fermerët që nuk i punojnë ato, nuk është mënyra e duhur për t’i nxitur ata që të rrisin sipërfaqen e shfrytëzuar për prodhim. Në një intervistë për ScanTv, eksperti i politikave të zhvillimit bujqësor dhe rural, Edvin Zhllima, thekson se kjo inciativë është ndërmarrë dhe herë të tjera dhe nuk është funksionale.
Sipas tij, duhen politika shpërblyese për nxitjen e femrëve që të punojnë tokën apo që ta japin atë me qira.
Nga ana tjetër, teksa po diskutohet buxheti për bujqësinë për vitin e ardhshëm, eksperti thekson se ai është i pamjaftueshëm për zhvillimin e sektorit dhe 5 herë më i ulët se sa duhet të jetë.
Sa i takon mbështetjes së dhënë fermerëve përmes skemës kombëtare të subvencioneve, eksperti Zhllima shpreh shqetësimin se mungon një vlerësim konsistent i kësaj skeme ndër vite, e cila do të orientonte më mirë politikat që duhen ndjekur në të ardhmen.
Elisabeta Dosku / SCAN
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
