Drejtoria e Përgjithshme e Tatimeve u ka kërkuar të gjitha subjekteve që ndodhen në proces ankimi administrativ ose gjyqësor të nxitojnë, nëse duan të përfitojnë nga masat lehtësuese të parashikuara nga Falja me Kusht. Sipas Administratës Tatimore, kanë mbetur edhe 40 ditë për të përmbushur kushtin e kërkuar.
Kushti i detyrueshëm
Për të përfituar nga lehtësitë fiskale, subjektet duhet të dorëzojnë pranë Drejtorisë Rajonale Tatimore përkatëse aktin e heqjes dorë nga ankimi administrativ, padia, ankimi apo rekursi. Pa këtë hap, përfitimi nga skema nuk është i mundur.
Për informacion shtesë dhe asistencë, Tatimet i udhëzojnë subjektet të kontaktojnë administratën përmes adresës elektronike të vënë në dispozicion për këtë qëllim.
