29.5 C
Tirana
E enjte, 13 Qershor 2024

Zbardhet Paketa fiskale 2024/ Hiqet TVSH për mëshqerrat e bletët! Shqipëria stimulon importin e insekteve që zëvëndësojnë pesticidet

Duhen Lexuar

Qeveria ka parashikuar këtë vit që të shtojë disa përjashtime të reja nga Tatimi mbi Vlerën e Shtuar. Iniciativa në thelb synon jo vetëm të stimulojë por edhe të aplikojë zhvillimin e disa teknikave të reja në bujqësi.

Referuar ndryshimeve të propozuara në kuadër të paketës fiskale, për importimin e mëshqerrave dhe bletëve nuk do të aplikohet TVSH në import, raporton .

Qëllimi është rritja e numrit të krerëve në vendin tone, zhvillimi i sektorit të bletarisë, stimulimi i prodhimit bio dhe përdorimi i metodave inovative në bujqësi për kontrollin biologjik të insekteve të dëmshme.  Praktikisht, nisma synon jo vetëm stimulimin e importeve të kafshëve dhe bletëve por edhe një metodë inovative që rezulton se nuk është aplikuar më parë për faktin se rezulton se nuk ka pasur importe.

Praktika e insekteve që luftojnë dëmtuesit e produkteve bujqësore dhe ndihmojnë pllenimin është një praktikë që po njeh zgjerim në Europë. Kjo metodë sjell eleminimin e pesticideve, pasi përmes insekteve të dobishme kontrollohen specie e dëmshme të cilat rrethojnë bimët në rritje.

Nisma për shtesat e paraqitura në këtë projektligj është ndërmarrë nga Ministria e Bujqësisë dhe Zhvillimit Rural dhe deputeti Erion Braçe.

Nga ky përjashtim i TVSH-së në import, fatura për buxhetin e shtetit do të jetë minus 155 milionë lekë.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications