12.5 C
Tirana
E premte, 1 Mars 2024

Zhurmat e qytetit tim nga Anabela Hoxha

Duhen Lexuar

Tirana, kryeqytet, metropol, zhurmë!

Tirana me zhurmë e cila është përfolur nga shumë njerëz, madje nga vetë kryeministri në një nga këngët më të dëgjuara të grupit Ëest Side Family. Tirana me zhurmë që na ndjek në përditshmëri.

Më kujtohet pandemia, e cila e largoi zhurmën për pak. Ne jemi mësuar te bashkëjetojmë me kaosin dhe zhurmën e këtij qyteti. Ishte paksa e çuditshme ajo qetësi e zymtë per njerëzit.

E hënë. Ora sapo ka shënuar 9. Disa nisen për punë, ndërsa disa për shkollë.  Disa njerëz në lagjen time janë ulur në lokal për të pirë kafen dhe cigaren e parë. Disa janë të shoqëruar në tavolinë me miqtë ose të afërmit e tyre. Disa janë të shoqëruar vetëm nga vetja dhe mendimet e tyre. Të gjithë janë të shoqëruar nga zhurmat e borive të automjeteve dhe ndërtimeve rrugore. Ky është fillimi i një dite dhe nje jave të re për qytetarët e Tiranës.

Nuk mund të përjashtoj trafikun e Tiranës me zhurmë, i cili është tashmë një rutinë e pashmangshme.

Në Tiranën e zhurmshme nuk mungojnë koncertet dhe aktivitetet kulturore në ambient të hapur.

Tirana e zhurmshme. Tirana me zhurmë që simbolizon gjallërinë dhe rrëmujën e përditshmërisë. Tirana me zhurmat e saj që janë pjesë e jona e pandashme dhe karakterizojnë jetën aktive.

Pa Tiranën me zhurmë, a do të kishte harmoni në të vertetë?

Pa Tiranën me zhurmë, do të mund të flisnim për metropol?

Anabela Hoxha
Universiteti Mesdhetar Shqipërisë
Programi i studimit Komunikim dhe Marrëdhënie me Publikun
Maj, 2022

- Reklama -
spot_img
- Reklama -

Artikujt e Fundit