30.5 C
Tirana
E shtunë, 20 Korrik 2024

Zhurmat e qytetit tim nga Bleona Sheqeri

Duhen Lexuar

Kur flasin njerëzit për pasojat e këqija të urbanizimit, shumica përmendin ndotjen e ajrit, trafikun, mungesën e hapësirave të gjelbërta, por rrallë përmendet ndotja akustike. Kjo ështe diçka që ka ndryshuar me kalimin e kohës. Tani jemi më të vetëdijshëm për faktin se ndotja akustike përfaqëson një rrezik, po aq sa format e tjera të ndotjes. Çdo gjë që na rrethon dhe kudo ku gjendemi përfshihemi nga zhurmat. Bota ka ndryshuar shumë në shekujt e fundit , se ka ndryshuar në mijëra vite ekzistencë. Gjithashtu dhe qytetet tona kanë ndryshuar. Ndryshuam nga një mjedis rural në një mjedis të mekanizuar si dhe urban, që ndër të tjera është plot ndotje akustike. Burimet e ndotjes akustike janë të shumta dhe kur të ndalesh e të mendosh, do të zbulosh se çdo gjë në qytet krijon zhurmë. Të gjithë këtë do ta quaja “xhungla urbane”. Duke bërë një përmbledhje të një rutine të përditshme do e kuptojmë më mirë se si ndikojnë këto zhurma të kësaj xhungleje urbane tek ne, jo vetëm si akustike por dhe psikologjike.

Që në orët e para të mëngjesit në Tiranë, dëgjohen zhurmat e borive të makinave që ecin me shpejtësi për të arritur në kohë në punë. Disa të tjerë hapin xhamat e tyre të makinave dhe ngrejnë volumin e muzikës deri ne fund duke shijuar këngën në radio. Që në momentin kur dal nga shtëpia, dëgjoj qytetarë që flasin me zë të lartë në rrugë sepse sipas tyre mendojnë se kështu dëgjohen më mirë. Duket sikur çdo gjë mbaron deri këtu, por jo. Është e pamundur të flesh në orën e pas drekës, pasi poshtë pallatit tim krijohet çdo ditë një grumbull makinash që i bien borisë për më shumë se 10 sekonda, vetëm se disa të tjera bllokojnë rrugën.

Të gjitha këto dhe shumë të tjera, sjellin efekte negative tek ne duke rezultuar në probleme shëndetësore. Nuk është aspak e hijshme të bërtasësh në rrugë. Njerëzit  nuk kanë pse të ndihen të detyruar të dëgjojnë problemet ose bisedat e të tjerëve të cilët bëhen shumë bezdisës. Duke banuar në qendër të qytetit, është e pamundur të gjesh qetësi. Nga ana tjeter, jo çdo zhurmë sjell agresivitet apo shqetësim në njerëz të ndryshëm. Për shembull mua, ka raste kur disa nga zhurmat që më rrethojnë nuk më përbëjnë problem. Përkundrazi, më japin ndjesinë se në Tiranë ka shumë gjallëri e cila të bën të ecësh me hapin e kohës. Ndotja akustike në qytetin e Shkodrës në krahasim me Tiranën,  është shumë më e ulët. E si mund të jetë ndryshe në qytetin e biçikletave?  Në këtë qytet relativisht të vogël, edhe pse me ndotje akustike më të ulët, zhurmat mbeten aty. Dëgjohet zhurma e të gjithë njerëzve në rrugë, që flasin, ecin ose nxitojnë. Gjithashtu duke i shtuar tingujt e pajisjeve shtëpiake, bareve, restoranteve, krijohet një simfoni e ndotjes akustike. Kjo gjë është kaq e zakonshme në qytet saqë shumica e njerëzve as që e vërejnë se është aty. Problemi tjeter është kur njerëzit nënvlerësojnë efektet që mund të krijojë në shëndetin e tyre. Para së gjithash, ndotja akustike ndikon negativisht në aftësinë tonë të dëgjimit, e si rrjedhojë një qytet mesatar modern prodhon mjaftueshëm ndotje akustike. Shumë njerëz kanë probleme me dëgjimin e tyre që ndonjëherë nuk identifikohet për disa vite. Ky fenomen ndodh edhe në kryeqytetin tonë, Tiranën por edhe në qytete të tjera. Zhurmat janë të llojeve të ndryshme. E vështirë është që t’i shmangim sepse gjendemi të përfshirë në to me apo pa dashje.

Bleona Sheqeri
Universiteti Mesdhetar Shqipërisë
Programi i studimit: Komunikim dhe Marrëdhënie me Publikun
Maj, 2022

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications