Mbreti Charles III ofron 68 mijë euro në vit përgjegjësit të ri të korrespondencës mbretërore. Sipas lajmërimit të publikuar në uebsajtin e Royal Houeshold, ai që do të përzgjidhet do të punojë në Buckingham Palace dhe do të duhet t’i përgjigjet letrave që i dërgohen përditë mbretit, bashkëshortes së tij Camilla dhe princit e princesësh së Uellsit.
Mbretëresha Elizabetë II zakonisht merrte 200 letra në ditë, për një total prej më shumë se 70 mijë letrash në vit, dhe pas ndarjes së saj nga jeta, Charles e ka të pamundur që të menaxhojë numrin e madh të letrave të mbërritura në adresë të tij.
Gjithashtu në lajmërimin e publikuar lexohet se përgjegjësi i ri për korrespondencën mbretërore duhet të jetë në gjendje të menaxhojë me kujdes dhe ndjeshmëri postën që mbërrin në pallatin mbretëror. Por jo duke u kufizuar në përgjigje standarte ndaj letrave me urime të dërguara nga publiku për ditëlindjet, e përvjetorët e martesës. Por duke dhënë përgjigje të personalizuara, atëherë kur është e domosdoshme, dhe në disa raste mund të mbajë dhe postin e zv/sekretarit privat.
Lajmërimi sqaron se një ditë nuk ngjason me tjetrën në pallatin mbretëror, duke shtuar se i përzgjedhuri do të punojë pesë ditë në javë – nga e hëna në të premte – për një total prej 37.5 orësh, dhe do të ketë një pagë mes 55 mijë – 60 mijë stërlina në vit, plus shpërblimet – nga 63 deri në 68 mijë euro. Kandiaturat pranohen deri në 27 nëntor 2022, ndërsa intervista për punë do të zhvillohen gjatë muajit dhjetor.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
