Monedha e parë me portretin e mbretit Charles III ka hyrë në qarkullim në Mbretërinë e Bashkuar, duke u shpërndarë në të gjithë vendin nga zyrat e postës.
Monedha prej 50 pens ka portretin e mbretit nga njëra anë, dhe në anën tjetër një vizatim i cili për herë të parë u shfaq në kurorën e Kurorëzimit në vitin 1953. Përfshin gjithashtu dhe 4/4 e ushtrisë mbretërore brenda një mburoje.
Degët e Postës në të gjithë Mbretërinë e Bashkuar kanë marrë në dorëzim 4.9 milion monedha 50 pens me portretin e mbretit, që do të shpërndahen në formë kusuri kur qytetarët të kryejnë pagesa për shërbimet e marra në këto degë.
Në total janë 9.6 milion monedhat prej 50 pens që kanë hyrë në fuqi dhe pjesa tjetër do të jetë gati për përdorim në varësi të kërkesës. Aktualisht janë 27 miliard monedhat me portretin e mbretëreshës Elizabetë që qarkullojnë ende në Mbretërinë e Bashkuar, pasi ende është e ligjshme.
Dorina Kurtaj /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
