Banka e Estonisë po emeton dy milionë monedha 2 euro me një dizajn të veçantë në mbështetje të Ukrainës, të cilat do t’u dërgohen bankave dhe shitësve me pakicë dhe do të hyjnë në qarkullim.
Monedha gjithashtu mund të blihet si një produkt përkujtimor dhe të ardhurat do të mbështesin Ukrainën.
“Kjo monedhë u kujton njerëzve se liria është vlera më e lartë dhe ajo ka një çmim shumë të lartë,” tha Guvernatori i Eesti Pank Madis Müller.
“Ukraina aktualisht po lufton me një luftë me koston e jetës së njerëzve të saj për vlerat e përbashkëta të hapësirës kulturore europiane dhe na takon ne të vazhdojmë t’i mbështesim ata në këtë,”
shtoi ai.
Kryeministrja e Estonisë Kaja Kallas shkroi në Twitter se monedhat e reja “do të jenë një kujtesë e përditshme e luftës së Ukrainës për liri dhe të ardhmen e saj në BE”.
Monedha e re prej dy euro përmban fjalët Slava Ukraini dhe tregon një vajzë që mbron një zog në dorë, si një simbol i butësisë; dhe dizajni përmban gjithashtu një kalli gruri.
Monedha ishte dizajnuar Daria Titova, e cila erdhi në Estoni si refugjate nga Kharkiv. Ajo studion në Akademinë e Arteve të Estonisë. Gjithsej 2,000,000 monedha janë prerë nga Minti i Finlandës.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
