12.5 C
Tirana
E shtunë, 24 Shkurt 2024

Aeroporti i Vlorës, në gjykatë – Depozitohet padia, Bino: Shkelje e disa ligjeve dhe procedurave për kontratën koncesionare

Duhen Lexuar

Grupimi i organizatave mjedisore kundërshton kontratën mbi ndërtimin e Aeroportit Ndërkombëtar të Vlorës si të pavlefshme për shkak të parregullsive dhe shkeljeve së disa ligjeve, teksa kanë depozituar në gjykatë padinë në Gjykatën Administrative.

Taulant Bino,  nga Shoqata Ornitologjike Shqiptare , thotë për TV se organizatat joqeveritare do të dorezojnë prova dhe fakte mbi shkeljen e disa ligjeve, si ligji për zonat e mbrojtura, ligj për realizimin e Vlerësimit të Ndikimit në Mjedis (VNM), ligji për planifikimin e territorit, procedurat lidhur me kontratën koncesionare si dhe shkelje të rregulloreve përkatëse.

Sipas Binos, objekti në ndërtim, përbën një kërcënim të madh për ekosistemin natyror të zonës së mbrojtur Vjosë-Nartë. Ndërkohë që, leja e zhvillimit është miratuar përpara përfundimit të Vlerësimit të Ndikimit në Mjedis, teksa vetë procesi i realizimit të VNM-së është i parregullt.

Peizazhi i Mbrojtur Vjosë-Nartë është një ndër sistemet ekologjike më të rëndësishme në Shqipëri, ligatina e dytë më e rëndësishme në vend, shtëpi e llojeve të rëndësishëm të florës dhe faunës. Kjo zonë është pjesë e disa rrjeteve ekologjike ndërkombëtare, pjesë e koridorit shtegtues të Adriatikut, me më shumë se 220 lloje shpendësh.

Qysh prej fillimit, organizatat joqeveritare kombëtare e ndërkombëtare kanë kundërshtuar planet për ndërtimin e aeroprtit brenda zonës së mbrojtur Vjosë-Nartë, por ato nuk u morën parasysh nga qeveria, që vijoi procedurat e lidhjes së kontratës koncesionare.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit