29.5 C
Tirana
E enjte, 13 Qershor 2024

Bonot, apo obligacionet. Kush ra më shumë në 2023 – Zhvlerësimi më i fortë te instrumuentet 12-mujore e afatmesme, më e moderuar për afatgjatat

Duhen Lexuar

Rënia e normave të interesit të letrave me vlerë të Qeverisë është shtrirë te të gjitha maturitetet. Rënia është më e dukshme te bonot e thesarit me afat maturimi 12-mujor, norma e të cilave përdoret si referencë nga sistemi bankar, por tkurrje shumë të fortë kanë shënuar edhe interesat e obligacioneve afatgjata.

Rënia e yield-eve ka qenë e përgjithshme ndonëse më e dalluar tek yield-i 12-mujor. Me vonesa kohore normale, ajo është përcjellë më pas dhe tek maturitetet afatgjata.

Më specifikisht, bonot me afat maturimi tremujor janë ato që kanë shënuar rënien më të lehtë, nga 3.3% në janar të këtij viti, në 3% maj, ndërkohë që duhet theksuar se nuk ka pasur emetime të këtij instrumenti për periudhën qershor-korrik. Shumë më e fortë është rënia e bonove 6 mujore, yieldi i të cilave nga 4.57% në janar të këtij viti, ka rënë në 3.18% në qershor, duke humbur 30% të vlerës. Edhe më dramatike është rënia e bonove 12-mujore, yieldi i të cilave nga 5.18% në janar, rezulton 3.12% në korrik, me rënie prej 39%.

Të njëjtin fat kanë pësuar edhe obligacionet dyvjeçare, yieldi i të cilave nga 5.8% në janar të këtij viti, është zvogëluar në masën 33%, për të shkuar në 3.88 në korrik. Instrumenti i obligacioneve tre vjeccare nuk është emetuar në janar të këtij viti, por në fund të dhjetorit 2022, ky instrument shënoi normën mesatare të interesit 6.32, për të humbur deri në korrik 27% të vlerës kur yieldi mesatar rezulton 4.56%. diccka më e moderuar reulton rënia e obligacionit 5-vjeçar me kupon fiks, i cili nga 6.13% në janar, ka humbur 20% të vlerës, duke e mbyllur korrikun me yieldin mesatar 4.89%. i njëjtë është edhe fati i obligacioneve 7-vjeçare me kupon fiks, yieldi i të cilave ka humbur 13% të vlerës nga shkurti deri në qershor, duke rënë nga 6% në shkurt, në 5.21% në ankandin e fundit për këtë instrument të zhvilluar në muajin maj. Më e lartë ka qenë rënia e obligacionit 10-vjeçar me kupon fiks, yieldi mesatar i të cilit nga 7.6% në fund të korrikut ka rënë në 6% në muajin korrik duke humbur 21% të vlerës.

Diferencat e yield-it 12-mujor me normën bazë arritën nivele minimale në ankandet e verës, duke konfirmuar presionet e forta rënëse ndaj yieldeve veçanërisht këto muaj. Reduktimi i yield-eve është përcaktuar kryesisht nga kërkesat e mëdha konkurruese të investitorëve. Raporti mes kërkesës së tyre dhe ofertës së qeverisë mbetet i lartë edhe në tremujorin e dytë, të vitit megjithë njëfarë rënie të kërkesës në muajt korrik dhe gusht.

Lorenc Rabeta /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications