Shoqata Shqiptare e Furnizuesve të Energjisë Elektrike e konsideron si të paprecedentë caktimin e Korporatës Elektroenergjetike Shqiptare si shitës me prioritet në Bursën Shqiptare të Energjisë.
Gjatë një takimi konsultues mbi përcaktimin e rregullave të tregut të energjisë elektrike të zhvilluar nga Enti Rregullator i Energjisë, kreu i shoqatës Sokol Spahiu tha se në asnjë vend të rajonit apo më gjerë nuk haset një praktikë e tillë.
Ndërkaq, sipas kreut të ERE-s, Petrit Ahmeti, duke marrë në konsideratë se procesi është në hapat e parë, mund të ketë ndryshime.
Paralelisht, Shoqata Shqiptare e Furnizuesve të Energjisë Elektrike kërkoi edhe marrjen e të gjitha masave nga Enti Rregullator I Energjisë dhe enti homolog në Kosovë për të ngritur struktuara monitoruese për sjellje abuzive në bursë, duke qenë se parimi i kostove marxhinale, që është një nga parimet bazë të funskionimit të bursave, nuk është parashikuar.
Pas një sërë shtyrjesh, Bursa Shqiptare e Energjisë do të duhet të kishte nisur funskionimin e saj në muajin nëntor, por edhe ky afat nuk u arrit, duke lënë të paplotësuar këtë hallkë të rëndësishme të sektorit elektroenergjetik.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
