29.5 C
Tirana
E enjte, 13 Qershor 2024

Energjia, faturë shumëfish më e ulët për KESH – Mbiprodhimi në Kaskadë dhe çmimet favorizojnë financat e Korporatës

Duhen Lexuar

Situata e favorshme hidrike, si dhe rënia e çmimeve në tregjet ndërkombëtare janë pasuar me një faturë shumëfish më të ulët për blerjen e energjisë, në raport me vitin e kaluar. Sipas të dhënave të përpunuara nga ScanTv, deri më tani Korporata Elektroenergjetike Shqiptare ka shpenzuar rreth 49 mln euro për importin e energjisë, teksa procedurat për sigurimin e saj nisën në gjysmën e dytë të vitit.

Kjo, pasi gjatë gjysmës së parë, prodhimi në Kaskadën e Drinit, jo vetëm që arriti të mbulojë nevojat e vendit, por paralelisht u kryen edhe një sërë procedurash për shitjen e energjisë. Nga mbiprodhimi në Kaskadë KESH arkëtoi rreth 41.5 mln euro. Praktikisht, bilanci tregtar i KESH flet për vetëm 7.5 mln euro, pa TVSH shpenzime për sigurimin e energjisë së nevojshmë për furnizimin e konsumatorëve.

Ndërkohë që, kjo vlerë është ndjeshëm më e ulët se ajo e vitit që shkoi, duke qenë se për vitin 2022 fatura arriti në rreth 504 mln euro, me TVSH. Shifrat e fundit të disponueshme tregojnë se në vetëm 8 muaj u prodhua 6.2 mln mWh energji, ndërsa për të njëjtën periudhë të viti që shkoi prodhimi në Kaskadë ishte 4.6 mln mWh. Ndërkaq, edhe çmimet e energjisë në tregjet ndërkombëtare gjatë këtij viti kanë qenë ndjeshëm më të ulta, duke arritur shumë pranë niveleve të para krizës, që nisi si pasojë e luftës Rusi – Ukrainë.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications