16.5 C
Tirana
E shtunë, 15 Qershor 2024

8 mln euro nga eksportet e energjisë – Tenderët e nëntorit, KESH gjeneron të ardhura pas mbiprodhimit në Kaskadë

Duhen Lexuar

Situata e favorshme hidrike në Kaskadën e Drinit ka favorizuar eksportin e energjisë nga Korporata Elektroenergjetik Shqiptare, teksa vetëm gjatë muajit nëntor janë zhvilluar disa proceduara shitjeje, një prej të cilave u finalizua të shtunën. Sipas përllogaritjeve të TV , në total gjatë nëntorit janë shitur 69.200 mWh energji, ndërkohë që çmimi mesatar me të cilin është eksportuar energjia është rreth 116.5 euro/ mWh.

Kjo do të thotë se nga transaksionet e shitjes Korporata ka gjeneruar të ardhura, në vlerën e rreth 8 mln euro. Gjithsesi, këto nuk janë të ardhurat e vetme të siguruara nga aktiviteti i shitjes së energjisë, si pasojë e mbiprodhimit të Kaskadë. Kjo, pasi përgjatë 6 muajve të parë të vitit 2023 janë realizuar një seri procedurash tenderuese, nga të cilat KESH arkëtoi 41.5 mln euro. Së bashku me shitjet e nëntorit, të ardhurat e gjeneruara kapin vlerën e 49.5 mln euro.

Blerje energjie u realizuan vetëm përgjatë periudhës korrik – tetor, por gjithsesi fatura nuk ka qenë në nivele shumë të larta, sidomos në raport me vitin 2022. Kjo situatë, u ndikua edhe nga çmimet në tregjet ndërkombëtare që kanë shkuar drejt stabilizimit dhe niveleve të parakrizës, së shkaktuar nga lufta në Ukrainë. Ndërkaq, teksa shifrat sivjet flasin për një situatë të favorshme, nga ana tjetër tregojnë varësinë që ka sektori nga moti, për shkak se mbi 98% e energjisë në vendin tonë prodhohet nga hidrocentralet.

Ola Mitre /

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications