30.5 C
Tirana
E shtunë, 20 Korrik 2024

Financim për kurset e sigurisë kibernetike – Qeveria “kthen sytë” nga shkencat kompjuterike, kush përfiton

Duhen Lexuar

Qeveria ka kthyer vëmendjen ndaj mbështetjes së degëve kompjuterike përmes programeve të formimit profesional. Udhëzimi i Ministrisw sw Financave, i cili tashmë ka hyrë në fuqi,  thekson se do të përfitojë mbështetje financiare për këtë vit fusha e  “Programimit, ku përfshihen: kodimi, programimi kompjuterik, zhvillimi i aplikacioneve, robotika, elektronika, shkenca e të dhënave, siguria kibernetike, inteligjenca artificiale, testimi i software-ve, dizajni i softëare-ve, dizajni i faqeve ëeb, dizajni i  përvojës së përdoruesit, dizajni i ndërfaqes së përdoruesit, mësimi makinerik/automatik, realiteti i shtuar, realiteti virtual ose algoritmet kompjuterike apo fusha të ngjashme të tjera.

Nga ky program, pjesëmarrësit punëkërkues të papunë të regjistruar, financohen në masën 100%, por në asnjë rast më të lartë se 300 mijë lekë të kostos së kursit të formimit profesional. Çdo pjesëmarrës punëkërkues financohet në vlerën 50% të kostos së kursit të formimit profesional, por në asnjë rast më të lartë se 150 mijë lekë.

Për personat me aftësi të kufizuara, institucionit privat të formimit profesional i financohen elementet e përshtatjes së arsyeshme, për sa i përket programeve të veçanta të trajnimit, kurrikulës së përshtatur në përputhje me shkallën dhe llojin e aftësisë së kufizuar, përgatitjen e instruktorëve për të ofruar trajnim të posaçëm për këtë kategori, deri në shumën 200 mijë lekë pas dorëzimit të kërkesës nga ana e tij.

Programi synon kualifikimin dhe rikualifikimin e punëkërkuesve dhe punëkërkuesve të papunë me qëllim përgatitjen dhe integrimin e shpejtë në tregun e punës. Aplikimet për fonde bëhen nga institucionet e formimit profesional publike apo private përmes e-albania, të cilët duhet të plotësojnë edhe disa kritere të caktuara, siç është aktiviteti jo më pak se tre vjecar, të mos ketë detyrime tatimore të pashlyera, të mos jetë në process falimenti, etj.

Elisabeta Dosku / SCAN


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications